ଆଦର୍ଶ ଗୁରୁ
ଡଃ ସ୍ଵର୍ଣ୍ଣଲତା  ତ୍ରିପାଠୀ
ସେପ୍ଟେମ୍ବର: ୨୦୨୬
Canonical: https://sishu.kabitawithoutborders.org/shishu/article_details-a0537163a4.html

ଗୁରୁଙ୍କୁ ନ ମଣିବ ନର  ,

ଗୁରୁହିଁ ସାକ୍ଷାତ  ଈଶ୍ୱର ।  

ଗୁରୁ ଯେ ବ୍ରହ୍ମା  ସୃଷ୍ଚିକର୍ତ୍ତା,

ବିଷ୍ଣୁ ଯେ ପାଳନ  କରତା ।  

ମହେଶ୍ୱର ସଂହାର  କର୍ତ୍ତା,

ଶିଷ୍ୟଙ୍କ ମଙ୍ଗଳ  ବିଧାତା ।  

ଆଦର୍ଶ ଗୁରୁ  ହିତାକାଂକ୍ଷୀ,

ଆଦର୍ଶ ଶିକ୍ଷା  ଦେଇଥାନ୍ତି ।  

ମଙ୍ଗଳ ରୂପେ ଦେଇ  ଜ୍ଞାନ,

ଛାତ୍ରଙ୍କ  ଭବିଷ୍ୟ  ଗଠନ ।  

ଗୁରୁହିଁ ଛାତ୍ରର  ନମସ୍ୟ,

ତା` ପାଇଁ ଶିବଙ୍କ ସଦୃଶ ।  

ଅଜ୍ଞାନ ରୂପକ ଅନ୍ଧ। ର,

ଗୁରୁହିଁ କରିଥାନ୍ତି  ଦୂର ।  

ଜ୍ଞାନ ରୂପକ ଆଲୋକକୁ,

ଗୁରୁ ସମର୍ଥ ସେ  ଦାନକୁ ।  

କର୍ତ୍ତବ୍ୟ,ସାଧୁତା,ବିଜ୍ଞତା,

ସ୍ପଷ୍ଟବାଦିତା ସେ  ଦେବତା ।  

ଗୁରୁଙ୍କ ଉତ୍ସାହ,ପ୍ରେରଣା,

ଛାତ୍ରଙ୍କ ପୂଜା  ଅରଚନା ।  

ଗୁରୁ ଓ ଶିଷ୍ୟଙ୍କ  ସମ୍ପର୍କ,

ଆଦର୍ଶ ମହିଁମା  ମଣ୍ଡିତ ।  

ଗୁରୁହିଁ କୃତୀ  ଜ୍ଞାନଯୋଗୀ,

ଶ୍ରଦ୍ଧା ସମ୍ମାନ ସେ  ପଦବୀ ।  

∎ 

 ଅବସର ପ୍ରାପ୍ତ ମଣ୍ଡଳ  ସହ -ଶିକ୍ଷାଧିକାରୀ, ପୁରୀ ସଦର ବ୍ଲକ୍,

 ପୁରୀ, କୋଣାର୍କ ।