ଉତ୍ତମ ଛାତ୍ର ଆଗାମୀ ଦିନର
ଡଃ ସ୍ବର୍ଣ୍ଣଲତା ତ୍ରିପାଠୀ
ଫେବୃଆରୀ : ୨୦୨୬
Canonical: https://sishu.kabitawithoutborders.org/shishu/article_details-a029824e94.html

ସାଜିଲେ ତୁ ଦୁନିଆଁରେ  ଫୁଲଟିଏ ପରି,

  ସୁଗନ୍ଧ ପାଖୁଡ଼ା କୋଳେ 

  କୋମଳତା ଭରି । 

  ମନ ବଗିଚାଟି ତୋର 

  ସ୍ୱଚ୍ଛ ଓ ସୁନ୍ଦର,

  ସେନେହ ସରାଗ ଭରା 

  ଦରୋଟି ହସର । 

  ତୁ ହସିଲେ ଏ ଦୁନିଆଁ 

  ହସୁଥାଏ ସଦା,

  ସତ୍ୟ,ସଚ୍ଚୋଟତା  ମଧ୍ୟେ 

  ପରୋପକାରୀତା । 

  କ୍ଷେତ ଯଦି ହସୁଥାଏ 

  ସୁନାର ଫସଲେ,

  ଚାଷୀ ସଫଳତା ପାଏ 

  କରମର ଜାଲେ । 

  କରମ ପ୍ରେରଣା ପାଇଁ 

  ଆଗକୁ ନିରତେ,

  ସାଧନାରେ ସିଦ୍ଧି ଲାଭ 

  କଣ୍ଟକିତ ପଥେ । 

  ବିଦ୍ୟା ଅରଜନ ପାଇଁ 

  ବିଦ୍ୟାଳୟ ଘର,

  ବିଦ୍ୟାର୍ଥୀର ଜ୍ଞାନ ପାଇଁ 

  ସେ ସରଗପୁର । 

  ଗୁରୁଜୀ ଗୁରୁମା ସେ ଯେ 

  ଶିକ୍ଷା ସହାୟକ,

  ଭଲ ଗୁଣ ଦେଖି ପୁଣି 

  ହେବେ ବିଚାରକ । 

  ଭଲ ମନ୍ଦ କାମ ଦେଖି 

  କରିବୁ ବିଚାର,

  ଉତ୍ତମ ଛାତ୍ର ହୋଇବୁ 

  ଆଗାମୀ ଦିନର । 

∎ 

  ( ରାଷ୍ଟ୍ରପତି ପୁରସ୍କାର ପ୍ରାପ୍ତ) 

  ଅବସର ପ୍ରାପ୍ତ ମଣ୍ଡଳ ସହ ଶିକ୍ଷାଧିକାରୀ,ପୁରୀ ସଦର ବ୍ଲକ୍, ପୁରୀ, କୋଣାର୍କ  ।