ଆଷାଢ଼େ ରଥଯାତରା
ଧ୍ରୁବ ଚରଣ ଘିବେଲା
ଜୁନ: ୨୦୨୫
Canonical: https://sishu.kabitawithoutborders.org/shishu/article_details-9ad83563d5.html

ବଇଶାଖ ଜ୍ୟେଷ୍ଠ ଫେରିସାରିଛନ୍ତି 


                                  ନିଦାଘ ଗ୍ରୀଷ୍ମକୁ ନେଇ 


                                  ବରଷାଆସିଛି ଆଦ୍ୟ ଆଷାଢ଼ରେ 


                                  ଆକାଶରେ ମେଘ ଛାଇ I


                                  ମେଘର ଡମ୍ବରୁ ବାଜେ ଘିଡ଼ି ଘିଡ଼ି 


                                  ଘଡ଼ିଏ ଘଡ଼ିଏ ରହି 


                                  ସୂରୁଯ ମେଘର ଲୁଚକାଳି ଖେଳ 


                                  ମାଟି ପରେ ଖରା ଛାଇ I


                                  ଆଷାଢ଼ ଶୁକୁଳ ଦ୍ଵିତୀୟା ତିଥିରେ 


                                  କାଳିଆର ରଥଯାତ୍ରା 


                                  ଵିଧି ବିଧାନରେ ଗୋଟି ପହଣ୍ଡିରେ 


                                  ଦିଅଁ ଛାଡ଼ନ୍ତି ଗମ୍ଭୀରା I


                                  ବାଇଶି ପାବଛେ ରହିରହିଆସି 


                                  ତିନି ଦିଅଁ ରଥାରୂଢ଼ 


                                  ହରିବୋଲ ସାଥେ ହୁଳହୁଳି ପଡ଼େ 


                                  ବଡ଼ଦାଣ୍ଡେ ଭକ୍ତ ଭିଡ଼ I


                                  ତିନି ରଥେ ବସି ଚତୁର୍ଦ୍ଧାମୂରତୀ 


                                  ଭକତଙ୍କୁ ଦେଇ ଦେଖା 


                                  କରିଥାନ୍ତି ଯାତ୍ରା ଗୁଣ୍ଡିଚାବାଡ଼ିକୁ 


                                  ଭକତରଙ୍କୁଣା ଜଗା I


                                  ଫେରିଲାବାଟରେ ମାଉସୀମା`ଘରେ


                                  ପୋଡ଼ପିଠା ଖାଇ ଖୁସି 


                                  ଦେଖୁ ଦେଖୁ ସରେ ନଅ ଦିନ ଯାତ୍ରା 


                                  ସରେ ପୁଣି ଯାତ୍ରାଖୁସି I


                                  ସିଂହଦ୍ୱାରେ ଆସି ଦିଅଁ ରଥେ ବସି 


                                  ଦେଇଥାନ୍ତି ଦରଶନ 


                                  ସୁନାବେଶ କାନ୍ତି ଦରଶନେ ଖୁସି 


                                  ତୋଷ ହୁଏ ଭକ୍ତ ମନ I


                                  ଲକ୍ଷ୍ମୀଙ୍କର ମାନ କରନ୍ତି ଭଞ୍ଜନ 


                                  କାଳିଆ ସାଆନ୍ତ ସେ ତ 


                                  ରତ୍ନସିଂହାସନେ ଭ୍ରାତାଭଗ୍ନୀ ସାଥେ 


                                  ବିରାଜନ୍ତି ଜଗନ୍ନାଥ I


                              ∎  


ବଉଦରାଜ -762014, ଜି. ବୌଦ୍ଧ


                                  ମୋ.9437478466