ଶୀତ ଟିକେ ଟିକେ  ଆସିଲା
ବୃନ୍ଦାବନ କୁମ୍ଭାର
ନଭେମ୍ବର: ୨୦୨୫
Canonical: https://sishu.kabitawithoutborders.org/shishu/article_details-984bbe2288.html

ଶୀତ ଟିକେ ଟିକେ  ଆସିଲା 

  ଘାସରେ କାକର ବିନ୍ଦୁ  ପଡ଼ି 

  ରପା ରଙ୍ଗପରି  ଦିଶିଲା। 

  ସୁନା ରଙ୍ଗ ଧାନ  ଦିଶିଲା 

  କ୍ଷେତ ରେ ପାଚି  ସୁନ୍ଦର ରୂପେ 

  ଚଉଦିଗଶୋଭା ବଢ଼ିଲା। 

  ଶିଶୁ ଦିବସ ଟି ଆସିଲା 

  ବିଦ୍ୟାଳୟ ଠାରୁ ପୁର  ପଲ୍ଲୀ 

  ନେହେରୁ ନାମଟି  ଶୁଭିଲା। 

  କାର୍ତ୍ତିକ ମାସଟି  ଆସିଲା 

  ସ୍ନାନ  ଶଉଚରେ ନରନାରୀ ଙ୍କ 

  ହରି ନାମ ମୁଖେ  ଭାଷିଲା। 

  ପ୍ରଥମାଷ୍ଟମୀ ଟି  ଆସିଲା 

  ବଡ଼ପୁଅ ପାଇଁ  ପୀଠାପଣା 

  ଘରଟି ମହକି ଉଠିଲା। 

  ଶୀତ ଟିକେ ଟିକେ  ଆସିଲା 

  କ୍ଷେତରୁ ଖଳାକୁଧାନ  ଆସି 

  ଘରକୁ ଯିବାକୁ କହିଲା। 

  ଶୀତ ଟିକେ ଟିକେ  ଆସିଲା 

  ସକାଳରୁ ହୁଳହୁଳୀ ଡାକ 

  ଲକ୍ଷ୍ମୀ ପୂଜା ପାଇଁ  କମ୍ପିଲା 

  ଶୀତ ଟିକେ ଟିକେ  ଆସିଲା। 

∎ 

  ଟିଟିଲାଗଡ଼ ବଲାଙ୍ଗୀର 

  ୯୬୬୮୮୬୮୭୦୬