ନଉକା ମୁହିଁ
ଡଃ ସ୍ଵର୍ଣ୍ଣଲତା ତ୍ରିପାଠୀ
ଜୁନ	: ୨୦୨୬
Canonical: https://sishu.kabitawithoutborders.org/shishu/article_details-94fb90f027.html

ନଉକା ମୁହିଁ ପାଣିରେ  ଭାସେ 

  ଟାଣୁଆ କ।ଠେ ତିଆରି,

  ନଦୀ ହ୍ରଦରେ ବୋହି  ଜିନିଷ 

  ମଣିଷକୁ କରେ ପାରି । 

  ମଝି ଅଂଶଟା ଓସାରିଆ  ଯେ 

  ଶେଷ ଅଣଓସାରିଆ,

  ଚଳାଇବା ଲୋକଟି ପର। 

  ନାମ ବହି "ନାଉରିଆ"। 

  ପୂରୁବ କାଳେ ମୋ ଦେହେ  ବସି 

  ଦୂର ଦେଶକୁ ପାରି,

  ଜାଭା ,ସୁମାତ୍ରା, ବୋର୍ଣ୍ଣିଓ କେତେ 

  ଦ୍ଵୀପେ ବାଣିଜ୍ୟ ସାରି । 

  ଆଜି କାଲିକା ବିଜ୍ଞାନ  ଯୁଗେ 

  ମଣିଷ ଯନ୍ତ୍ର ସାଜି,

  ବୋଟ୍,ଜାହାଜ,ମୋଟର ଲଞ୍ଚ,

  ଘଡିକେ ଘୋଡ଼ା ଛୁଟି। 

  ହଜାର ହଜାର ମାଇଲ  ଯାତ୍ରା 

  କରୁଛୁ ନିମିଷକେ,

  ହେଲେ ବି ମୋତେ ଭାରି  ଆଦର 

  ମଣିଷ ନଜର ରଖେ । 

  ଛୋଟ ହେଲେ ବି ସବୁଦିନିଆଁ 

  କର୍ତ୍ତବ୍ୟ କରି ଚାଲ,

  ନଉକା ପରି ବସୁଧା ସହି 

  ସହିବା ଗୁଣ ଭଲ । 

∎ 

  ଅବସର ପ୍ରାପ୍ତ ମଣ୍ଡଳ  ସହ ଶିକ୍ଷାଧିକାରୀ, ପୁରୀ ସଦର ବ୍ଲକ୍, ପୁରୀ, କୋଣାର୍କ ।