ପତିତପାବନ ବାନା
ହଂସନାଥ ମୁଦୁଲି
ଜୁଲାଇ: ୨୦୨୬
Canonical: https://sishu.kabitawithoutborders.org/shishu/article_details-9241347df9.html

ପତିତପାବନ ବାନା ଉଡୁଛି ଯେ 

  ନୀଳଚକ୍ର ଶୀର୍ଷପରେ 

  ଭକତଜନଙ୍କ ମନ ଟାଣୁଛି ସେ 

  ବାନ୍ଧି ଭକତିର ଡୋରେ l (0)

ନିକଟ ଓ   ଦୂର ଜଣା ପଡେ ନାହିଁ 

  ଛୁଟେ ଭକତଙ୍କ ସୁଅ 

  କାଳିଆଠାକୁର ଲୀଳ।  ବୁଝିବାକୁ 

  ସଭିଙ୍କ ମନରେ ମୋହ 

  ସେ ଲୀଳା ବୁଝିବା ପହିଲେ ସବୁରି 

  ନଜର ବାନା ଉପରେ 

  ବାନ୍ଧି ଭକତିର ଡୋରେ l (1)

କୋଶଦୂରୁ ବାନା ଦୃଶ୍ୟ ନେଇ 

  ଭକ୍ତ କରେ  କଳପନା 

  କେଉଁଠାରେ ଆଉ କେତେଦୂରେ ସେହି 

  ଲୀଳାମୟର ଠିକଣା ! 

  ଓଠେ ଫୁଟେ ନାମ କ୍ଲେଶ ଅବସାନ 

  ଦୂରତା ଲିଭେ ଅଚିରେ 

  ବାନ୍ଧି ଭକତିର ଡୋରେ l (2)

∎ 

ଖଣ୍ଡଗିରି, ଭୁବନେଶ୍ବର 

  751030

ମୋ- 9777968719