ହେ ନୂଆ ସକାଳ
ଜୟନ୍ତ କୁମାର ଓଝା
ଜାନୁୟାରୀ: ୨୦୨୫
Canonical: https://sishu.kabitawithoutborders.org/shishu/article_details-8d4b45cea6.html

ସରସ ମନରେ ବିରସ ନ ଆସୁ 


                                  ହରଷେ  ଜୀବନ ହସୁ 


                                  ଏ ନୂଆ ବରଷ ଦେଇ ତା ପରଶ 


                                  ନବ ଆଲୋକରେ ବର୍ଷୁ । 


ଏଆଲୋକ ପଡି ଦେଉ ସିଏ ପୋଡି 


                                  ମନର କଳୁଷ ବନ 


                                  ଫୁଟି ଉଠୁ ହୃଦେ ପ୍ରେମର କମଳ 


                                  ଛୁଇଁ ଯାଇ ସବୁ ମନ । 


ଏଆଲୋକ ହେଉ ସତ୍ୟ ନ୍ଯାୟ ଶାନ୍ତି 


                                  ସ୍ନେହ ସରଧାର ଧାରା 


                                  ଜଣ ଜଣ କରି ସବୁ ପ୍ରାଣ ଛୁଉଁ 


                                  ବହୁ ସେ ଜଗତ ସାରା । 


ଅସତ୍ ନିଶିର ବୁକୁ ଚିରି ଦେଉ 


                                  ପ୍ରେମର ଗାଉ ସେ ଜୟ 


                                  ପ୍ରେମର ରଜ୍ଜୂରେ ବାନ୍ଧି ଦେଉ ସିଏ 


                                  ବିଶ୍ୱ ହେଉ ପ୍ରେମ ମୟ  । 


ଆସ ଆସ ତୁହି ହେ ନୂଆ ସକାଳ 


                                  ସେ ନୂଆ ସୁକାଳ ନେଇ 


                                  ଶୋଇ ଯାଇ ଅଛି ଅନ୍ତରର ଆତ୍ମା 


                                  ଆଜି ଯାଅ ଚେଇଁ ଦେଇ । 





                                             ∎  



    ଭଅଁରା, ଭୁରୁଙ୍ଗା, ଯାଜପୁର-755017.


                                  SSPL, DRDO, TIMARPUR.


                                  DELHI-110054  / 9540236646