କୁନା  ଓ ପ୍ରଜାପତି
ପୌର୍ଣ୍ଣମାସୀ ଦେବୀ
ମଇ: ୨୦୨୫
Canonical: https://sishu.kabitawithoutborders.org/shishu/article_details-8ad64618dc.html

କୁନି  ପ୍ରଜାପତି ରଙ୍ଗ ରଙ୍ଗିଆ 


                                  ହଳଦିଆ  ନାଲି ଛିଟି ଛିଟିଆ 


                                  କଉତୁକେ  ଯାଏ ଉଡ଼ି 


                                  ଫୁଲ  ଉପରେ ବସିଲା ବେଳେ 


                                  ଦେଉଥାଏ  ଡେଣା ଝାଡି । 


                                  କୁନା ପଚାରିଲା ହେ ପ୍ରଜାପତି 


                                  ସୁନ୍ଦର ବୋଲିତ ବଡ଼ାଇ ଅତି 


                                  ଦେଉନୁ ଟିକିଏ ଧରା 


                                  ହେଲାଣି ମୋହର ସ୍କୁଲ ବେଳା 


                                  ଗୁରୁମା ରାଗିବେ ପରା । 


                                  ପ୍ରଜାପତି  କହେ କୁନା ରେ କୁନା 


                                  ସ୍କୁଲ  କୁ ଯାଆ ଡେରି କରନା 


                                  ଆସିଲେ  ଖେଳିବା ଖେଳ,


                                  ଦୁହେଁ  ମିଶି ଆମେ ହୋଇବା ସାଙ୍ଗ 


                                  ହେବା  ନାହିଁ ମାଡ ଗୋଳ । 


                                  ପାଠ ପରା ଅଟେ ଜଗତେ ସାର 


                                  ପାଠୁଆ ସବୁଠି ପାଏ ଆଦର 


                                  ପାଠରେ ନକର ହେଳା,


                                  ଚଗଲାମି ଛାଡ଼ି କଥା ମାନି ମୋର 


                                  ଶୀଘ୍ର ସ୍କୁଲ କୁ ପଳା । 


                              ∎  


                                  ଭୂଦାନ  ନଗର, ଚକ୍ରତୀର୍ଥ  ରୋଡ, ପୁରୀ 


                                  ଫୋନ୍ - ୯୧୦୮୩୩୦୭୪୪