ଝିଇକି ଝିକା
ଧୀରେନ କୁମାର ମିଶ୍ର
ଫେବୃଆରୀ: ୨୦୨୫
Canonical: https://sishu.kabitawithoutborders.org/shishu/article_details-8aa5eed98d.html

ଝିଇକି ଝିକା, ଝିକେଇ ଝିକା 

ବାପା ସାଥେ ମିକୁ ବଜାରକୁ ଗଲା 

        ଦେଖିଲା  ପତାକା ହେଉଛି ବିକା । 

ଝିଇକି ଝିକା,  ଝିକେଇ ଝିକା 

   ଅଜା ଡାକଦେଲେ ଶୁଣ  ଆରେ ମିକୁ 

            ପତାକାର  କଥା ସଭିଙ୍କୁ ଶିଖା । 

ଝିଇକି ଝିକା,  ଝିକେଇ ଝିକା 

    ଦୁଇଶ` ବରଷ ଶାସନ  କରିଲେ 

       ବିଦେଶୀ ଆମକୁ  ବନେଇ ବୋକା । 

ଝିଇକି ଝିକା,  ଝିକେଇ ଝିକା 

    ସେଦିନ ଗଲାଣି, ଆସ ଏବେ ଆମେ 

           ସୁନାର  ଭାରତ ଗଢିବା ଏକା  । 

ଝିଇକି ଝିକା,  ଝିକେଇ ଝିକା 

    ଗାନ୍ଧି,ଗୋପବନ୍ଧୁ  ଆଦର୍ଶେ ଚଳିବା 

        ସମ୍ମାନ  ତାଙ୍କର ନକରି ଫିକା । 

ଝିଇକି ଝିକା ,  ଝିକେଇ ଝିକା 

    ଏ ପତାକା ପାଇଁ  କେତେ କଷ୍ଟ ସହି 

        ପିନ୍ଧିଲେ  ଶେଷରେ ବିଜୟ ଟୀକା । 

ଝିଇକି ଝିକା,  ଝିକେଇ ଝିକା 

   ଆମରି ଦେଶର ଗୌରବ ତ୍ରିରଙ୍ଗା 

            କରିବା  ତାହାର ସମ୍ମାନ ରକ୍ଷା । 

ଝିଇକି ଝିକା,  ଝିକେଇ ଝିକା 

      ଜାତିର  ସମ୍ପତ୍ତି ଜାତିର ଗରବ 

             ଏଇକଥା  ମାନି ଚଳିବା ପକ୍କା । 

                                              ∎  

            ଶୁଶୁଡା, ଆଙ୍କୁଲା, ଅନୁଗୋଳ 

                ମୋ- 7978087891

                   ପିନ୍ -  759132