ଚଷାଭାଇ
ସୁଜିତ କୁମାର ମିଶ୍ର
ଜୁନ: ୨୦୨୫
Canonical: https://sishu.kabitawithoutborders.org/shishu/article_details-8a7e04584b.html

ଚଷାଭାଇଟି  ଚଳ  ଚଞ୍ଚଳ  

 ସକାଳୁ ସଞ୍ଜ ଯାଏ  

                                  ତା ପାଇଁ ଆମ ମୁହଁରେ ହସ 

  ଆନନ୍ଦେ ଝରୁଥାଏ ।  

 ସକାଳୁ ଉଠି କ୍ଷେତକୁ ଯାଏ  

 ହଳ ଲଙ୍ଗଳ ଧରି,  

                                  ଦେଶ ହିତରେ କାମ କରେ  ସେ 

    ବୀର ସଇନ ପରି । 

 ନିଜେ ନଖାଇ ଯୋଗାଇ  ଦିଏ 

    ଆହାର ପ୍ରତିକ୍ଷଣ, 

  ପରଦୁଃଖରେ ଦୁଃଖୀଟେ ପରା 

    ହୋଇ ଦରଦୀ ପ୍ରାଣ । 

 

   ବରଷଯାକ ଖଟଇ ସିଏ 

     ଖରା ବରଷା ସହି, 

                                  ଶସ୍ଯ ଶ୍ୟାମଳା ହୁଅଇ ମାଟି 

     ସରଗ ସୁଖ ବାହି । 

 

                                  ଲୁଙ୍ଗି ଗାମୁଛା ପ୍ରିୟ ପୋଷାକ 

     ପିନ୍ଧଇ ଚଷାଭାଇ, 

                                  ପଖାଳ କଂସା ବଳ ତାହାର 

    ଆଦରେ ଖାଉଥାଇ । 

 ଜୀବନ ତାର ଭାରି ସରଳ 

    ସଭିଙ୍କ ଆପଣାର, 

                                  ହେଲେ ତା ଲୁହ ଶୁଖୁନି କେବେ 

    ହୋଇଛି ନଈଧାର । 

 ସିଏ ଆମର ଅତି ନିଜର 

    ସୁଖଦୁଃଖର ସାଥୀ,

                                  ତା ପାଇଁ ଆମ ସଂସାର ରଥ 

    ଗଡୁଛି ପରା ନିତି ।

                              ∎  

                                  ଜନାର୍ଦ୍ଦନପୁର ଶାସନ 

                                  କେନ୍ଦୁଝର 

                                  ୭୬୮୩୮୬୭୭୪୨