ଆସିଲେ ରାତି
ପୁରୁଷୋତ୍ତମ ସିଂହ ସାମନ୍ତ
ମଇ: ୨୦୨୪
Canonical: https://sishu.kabitawithoutborders.org/shishu/article_details-8a3e1b6849.html

ଦିନଟା  ବଢି ଆସିଲେ ରାତି 


                                  ଅନ୍ଧାର  ଯାଏ ଖେଳି 


                                  ସହର  ଯାକ ଭଳିକି ଭଳି 


                                  ଆଲୋକ  ଉଠେ ଜଳି |


                                  ବ୍ୟସ୍ତ  ବିବ୍ରତ ଜୀବନ ସ୍ରୋତ 


                                  ଟିକିଏ  ଆସେ କମି 


                                  ଚଳ  ପ୍ରଚଳ ହୁଏ ଶିଥିଳ 


                                  ତାପରେ  ଯାଏ ଥମି |


                                  ଜୀବ  ଜଗତ ହୋଇଲେ କ୍ଳାନ୍ତ 


                                  ବିଶ୍ରାମ  ନେଇଥାଏ 


                                  ନିଦ  ମାଉସୀ ହାତ ଆଉଁସି 


                                  ସଭିଙ୍କୁ  କୋଳେ ନିଏ |


                                  କିଏ  ସେ ଶୁଇ ସପନ ଦେଖେ 


                                  ନାନାରକମର  ଦୃଶ୍ୟ 


                                  କେତେ  ସତ ଲାଗେ ଅଦ୍ଭୁତ 


                                  କେବେ  ଲଗାଇ ହାସ୍ୟ|


                                  କିଏ  ସେ ପୁଣି ନଶୋଇ ରାତ୍ରି 


                                  ବୋଲାଏ  ରାତ୍ରିଚର 


                                  ହୋଇଲେ  ରାତ୍ରି ଦେଖି ପାରେ ସେ 


                                  ଆହାର  ଖୋଜେ ତାର |


                                  ରାତିଟା  ପାହି ସକାଳ ହେଲେ 


                                  ସୁରୁଜ  ଗଲେ ଊହିଁ 


                                  ପୁଣି  ମଣିଷ ଭୁଲି ଅଳସ 


                                  ଲାଗେ  କର୍ତ୍ତବ୍ୟ ପାଇଁ |


                                  ନଥିଲେ  ରାତି କର୍ମରେ ମାତି 


                                  ମିଳନ୍ତା  ନାହିଁ ଶାନ୍ତି 


                                  ବିଶ୍ରାମ  ହିଁ ହେଲେ ଜୀବନ 


                                  ସ୍ଥିର  ନହୁଏ ମତି|


∎
(ଶିକ୍ଷକ  ) ଶ୍ରୀବିହାର, ଅନୁଗୋଳ | ଦୁରାଭାସ:-୮୮୯୫୯୧୨୪୨୧