ଆଗକୁ  ଆସୁଛି ରଥ ଯାତରା
ଦୀନବନ୍ଧୁ  ପୋଇ
ଜୁଲାଇ: ୨୦୨୫
Canonical: https://sishu.kabitawithoutborders.org/shishu/article_details-84dd5531ee.html

ଆଗକୁ ଆସୁଛି ରଥ ଯାତରା

  ହେଲାଣି ମନ୍ଦିର ସଫା ସୁତରା ।

  ଯାତରା ଭିତରେ ଇଏ ନିଆରା

  ଏଠି ରାଜା କରେ ଛେରା ପହଁରା ।

  ବିଜେ ହେବେ ତିନି ଦିଅଁ ରଥରେ

  ତିନି ରଥ ଚାହିଁଛନ୍ତି ପଥରେ ।

  ଦିଶୁଥାଏ ରଥ ଆହାକି ତୋରା

  ବସି ଖୁସି ହେବେ କାଳିଆ ଗୋରା ।

  ଭକ୍ତ ସମାଗମ ହେବ ପ୍ରବଳ

  ବଡ ଦାଣ୍ଡ ହେବ ସେ କୋଳାହଳ ।

  ଜୟ ଜଗନ୍ନାଥ ଭକ୍ତ କହିବେ

  ଦୁଇବାହୁ ଟେକି କେତେ ନାଚିବେ ।

  ଡାହୁକର ଡାକ କାନେ ଶୁଣିବେ

  ଭକତ ରଥକୁ ସେ ଟାଣି ନେବେ ।

  ଆଗକୁ ଆଗକୁ ରଥ ଚାଲିବ

  ଗୁଣ୍ଡିଚା ମନ୍ଦିରେ ଯାଇ ରହିବ ।

∎  

  ଗୋରଡ଼ାପାଳ, କରମୂଳ

  ଢେଙ୍କାନାଳ, ଦୂରଭାଷ – ୯୯୩୮୮୦୨୪୧୨