ନଇଁବା ଭଲ
ଧ୍ରୁବ ଚରଣ ଘିବେଲା
ଜାନୁଆରୀ: 2026
Canonical: https://sishu.kabitawithoutborders.org/shishu/article_details-8439449430.html

ସୂରୁଯ ଉଏଁ  ପୂରୁବ ଦିଗେ 

  ଟେକି ଦେଇକି  ମଥା 

  ସୂରୁଯ ହସି  କିରଣ ଛାଡ଼ି 

  ହସିକି କହେ  କଥା I

  ଦିନ ବାରଟା  ହେଲେ ଆସିକି 

  ନୂଆଇଁ ଦିଏ  ମଥା 

  ଖରାର ତେଜ  ରହେନି ଆଉ 

  ନଥାଏ ଖରା  ବ୍ୟଥା I

  ଫଳ ଭାରରେ  ନୂଅଁଇ ଧିରେ 

  ଫଳନ୍ତି ଗଛ  ଯାହା 

  ଜ୍ଞାନ ଥାଇକି ଗରଵୀ ହେଲେ 

  ଜ୍ଞାନର  ମୂଲ୍ୟ ତୁଚ୍ଛା I

  ଅସଲ ଜ୍ଞାନୀ  ଫଳନ୍ତି ଗଛ 

  ପରିକା ଆଚରଣ 

  ନମ୍ର  ରୁହନ୍ତି ବିନୟୀ ଥାନ୍ତି 

  ନଇଁ  ଦେଖାନ୍ତି ଗୁଣ I

  ମଥା ଟେକିକି  କଥା ନକହି 

  କହନ୍ତି ଧିର  ସ୍ଥିର 

  ମଥା ନୂଆଁଇ  ଧିରେ ସେ କହି 

  ନମ୍ର ଭାବ  ଜ୍ଞାନୀର I

  ସବୁ କଥାରେ  ମଥା ନୂଆଇଁ 

  କୁହନ୍ତି ଯିଏ  କଥା 

  ଗୁଣୀ  ଜ୍ଞାନୀରେ ହୁଅନ୍ତି ଗଣା 

  ଗୁଣ ସୁନ୍ଦର  ଯଥା I

  ବାପାମାଆଙ୍କ  ଗୁରୁଜନଙ୍କ 

  ଆଗେ ନଇଁବା  ଭଲ 

  ତାଙ୍କରି କଥା  ମାନି ସର୍ବଦା 

  ଚଳିବା ସବୁ  ବେଳ I 

∎ 

ବଉଦରାଜ -762014, ଜି. ବୌଦ୍ଧ 



  ମୋ.9437478466