ଆଗକୁ ଆସୁଛି ରଥ ଯାତରା
କୈଳାସ ଚନ୍ଦ୍ର ଧଳ
ଜୁନ	: ୨୦୨୬
Canonical: https://sishu.kabitawithoutborders.org/shishu/article_details-842669a36a.html

ଆଗକୁ ଆସୁଛି ରଥ ଯାତରା 

  ଜଗା ମେଲିଦେବ ଭକ୍ତି ପସରା 

  ବଡ଼ଦାଣ୍ଡେ ଭକ୍ତ  ରୁଣ୍ଡ ହୋଇବେ 

  ଚତୁର୍ଦ୍ଧା ମୂରତି ଦର୍ଶନ  ଦେବେ  ||

ରଥେ ବିଜେ କରି ଜଗା କାଳିଆ 

  ଭଉଣୀ ସଙ୍ଗତେ  ଭାଇ ବଳିଆ 

  ମାଉସୀ ଘରକୁ ଯିବେ ବାହାରି 

  ପୋଡପିଠା ଖାଇ  ଆସିବେ ଫେରି   ||

ବାଜୁଥିବ ଶଙ୍ଖ ଖୋଳ ମର୍ଦ୍ଦଳ 

  ଦେବଦାସୀ ନାଚ  କୀର୍ତ୍ତନ ଦଳ 

  ଭକ୍ତ ଭଗବାନ  ହୋଇ ଏକାଠି 

  ଯାତରାର ଭାବ ନେବେ ସାଉଁଠି | |

ଏଥର ବାବୁରେ ପୁରୀକୁ ଯିବା 

  ରଥଦଉଡ଼ିକୁ  ଟିକେ ଛୁଇଁବା ||

∎ 

ସମ୍ପାଦକ,  ଅଖିଳ ଭାରତୀୟ  ସାହିତ୍ୟ ପରିଷଦ, କନ୍ଧମାଳ-8895119944