ଗୁଡ଼ିରେ ଗୁଡ଼ି ଯା` ତୁ ଉଡ଼ି
ଦେବେନ୍ଦ୍ର ଚୌଧୁରୀ
ଜାନୁୟାରୀ: ୨୦୨୪
Canonical: https://sishu.kabitawithoutborders.org/shishu/article_details-8407822a83.html

ଗୁଡ଼ିରେ ଗୁଡ଼ି ଯା` ତୁ ଉଡ଼ି 

                                  ନୀଳ ଆକାଶ କୋଳେ 

                                  ନଟେଇ ଧରି ରହିଛି ଚାହିଁ 

                                  ତୋତେ ମୁଁ ଏ`ଠି ତଳେ । 

 

 

                                  ଶୀତ ସକାଳ କଅଁଳ  ଖରା 

                                  ବହେ ଉତ୍ତରା ବାଆ , 

                                  ଉଡ଼ିଉଡ଼ି ତୁ ଯା` ରେ ଛୁଇଁ  

                                  ଜହ୍ନମାମୁର ଗାଆଁ । 

 

 

                                  ତୋ` ପାଇଁ ଖିଆପିଆ ଯେତେ ଯା` 

                                  ଯାଇଛି ସବୁ ଭୁଲି, 

   ତୋ` ଉଡାଣରେ  ଖୁସିରେ ମୋର  

                                  ଛାତିଟା ଉଠେ ଫୁଲି । 

 

 

                                  ଏ ଶୀତେ ଆଉ ତୋ` ଠାରୁ ଭଲ 

                                  ମିତ ମୋ କେହି ନାହିଁ, 

                                  ନଟେଇରୁ ମୁଁ ସବୁ ସୂତାକୁ  

                                  ଛାଡି ଦେଲି ତୋ` ପାଇଁ । 

                                  *********** 

 

  ଡି/୨୦୦, କୋଏଲନଗର 

                                  ରାଉରକେଲା -୧୪, ସୁନ୍ଦରଗଡ଼ 

                                  ଦୂରଭାଷ:୯୪୩୭୧୦୫୪୪୦