ବନ୍ଧୁତା
ଡଃ  ସ୍ଵର୍ଣ୍ଣଲତା ତ୍ରିପାଠୀ
ଏପ୍ରିଲ: ୨୦୨୬
Canonical: https://sishu.kabitawithoutborders.org/shishu/article_details-82fee446b7.html

ମହତ ଗୁଣର   ବିକାଶ ପ୍ରକାଶେ 

  ସୁଖ ଦୁଃଖ ଏ ଜୀବନ,

  ଏଇ ତ ଜୀବନ  ସତ୍ୟ ଓ ବାସ୍ତବ 

  ପ୍ରଭୁଙ୍କ ମହାନ୍ ଦାନ । 

  ଦୁଃଖ ସମୟରେ  ସାନ୍ତ୍ଵନା ସାହସ 

  ଦିଏ ଯେ ପ୍ରକୃତ ବନ୍ଧୁ,

  ବନ୍ଧୁ ପ୍ରତି  ବନ୍ଧୁ   ସଦ୍ଭାବ ବନ୍ଧୁତା 

  ମହତ ଗୁଣର ସିନ୍ଧୁ । 

  ସାମାଜିକ ଗୁଣ    ସମ୍ପର୍କ ସ୍ଥାପନ 

  ବନ୍ଧୁତାରେ ପରିଣତ,

  ସୁସ୍ଥ ଓ  ସୁନ୍ଦର   ସମାଜ ଗଠନେ 

  ବନ୍ଧୁତାର ଆବଶ୍ୟକ । 

  ସଙ୍ଗାତ,ବଉଳ,    ଗୋଲାପ,ମକର 

  ବନ୍ଧୁତାର ଏ ପ୍ରତୀକ,

  ନିର୍ମଳ ହୃଦୟ   ବନ୍ଧୁତା ସୂତ୍ରରେ 

  ଆବଦ୍ଧ ଯେ ସ୍ଵାଭାବିକ । 

  ସ୍ବଭାବ ସୁନ୍ଦର     ମିତ୍ରତା ବିମଳ 

  ବ୍ୟବହାରେ ମଧୁରତା,

  ବନ୍ଧୁତା  ମହତ୍ତ୍ଵ   ବନ୍ଧୁର କର୍ତ୍ତବ୍ୟ 

  ଅର୍ପଣରେ ମାନବତା । 

  ବିପଦରେ ବନ୍ଧୁ   ଦେବଦୂତ ପରି 

  ଚନ୍ଦନରେ ଶୀତଳତା,

  କୃଷ୍ଣ ଓ  ଅର୍ଜୁନ  ଦୁର୍ଯ୍ୟୋଧନ,କର୍ଣ୍ଣ 

  କାଳଜୟୀ ସାକ୍ଷୀ ସଖ। । 

  କୃଷ୍ଣ ଓ  ସୁଦାମ।    ବନ୍ଧୁତା ସଂସ୍କୃତି 

  ଅଛି ଜ୍ୱଳନ୍ତ ଦୃଷ୍ଟାନ୍ତ,

  ବନ୍ଧୁତା  ଦ୍ୱାର।ହିଁ   ଶାନ୍ତି ଓ ସଂହତି 

  ସମାଜରେ ପ୍ରତିଷ୍ଠିତ । 

∎ 

  ପୁରୀ ସଦର ବ୍ଲକ୍,ପୁରୀ,କୋଣାର୍କ