ପଂଚ ପାଖୁଡା
ମନୋରମା ମିଶ୍ର
ମଇ: ୨୦୨୫
Canonical: https://sishu.kabitawithoutborders.org/shishu/article_details-82249c8086.html

ଦେଖରେ ଦେଖ 

                                  ଜେଜେମା`ଙ୍କର ମନଟା ଦୁଃଖ

                                  କଅଣ ପାଇଁ  ?

                                  ସହରକୁ  ଜେଜେ ନାତିପାଖୁ ଯିବେ 

                                  ତାଙ୍କୁ ନନେଇ । 

 

                                  ଦେଖରେ ଦେଖ 

                                  ରାସ୍ତା  ମଝିଟାରେ କେତେ ଯେ ଲୋକ 

                                  କଅଣ ହେଲା ?

                                  ଜଣକ  ବେକରୁ ହାର ନେଇ ଚୋର 

                                  ପଳେଇଗଲା   । 

       ଦେଖରେ ଦେଖ 

                                  ପୋଖରୀଟା  ସଫା ବାହାରି ପଙ୍କ 

                                  କିଏସେ କଲା  ?

                                  ସାନ  ବଡ ହୋଇ ଗାଆଁଟାଯାକର 

                                  ଯେତେକ ପିଲା  । 

        ଦେଖରେ ଦେଖ 

                                  ଆଗରୁ ଆସୁଛି ବିଲେଇ ଏକ 

                                  କୁଆଡେ ଯିବ ?

                                  ଛୁଆ  ଦୁଇଟିଙ୍କୁ ସାଙ୍ଗରେ ଆଣିଛି 

                                  ବୁଲେଇ ନେବ  । 

        ଦେଖରେ ଦେଖ 

                                  ଦଉଡୁ  ଅଛନ୍ତି ମାଙ୍କଡଯାକ 

                                  କେଉଁଥିପାଇଁ  ?

                                  ପଛରୁ  ତାହାଙ୍କୁ ଭାଲୁଆ କୁକୁର 

                                  ଅଛି ଗୋଡାଇ । 

                              ∎  

        ନୀଳାଦ୍ରି ନିହାର 

                                  ଭୁବନେଶ୍ୱର-୨୧ 

                                  mob-9861578532