ଦେହକୁ ହିତ ସକାଳ ବୁଲା
ସୁଜିତ କୁମାର ମିଶ୍ର
ଜାନୁଆରୀ: 2026
Canonical: https://sishu.kabitawithoutborders.org/shishu/article_details-81509cb8f9.html

ଦେହକୁ ହିତ ସକାଳ ବୁଲା 

  ଭୁଲନି ପିଲାମାନେ,

  ଅଭ୍ୟାସ କଲେ ଜୀବନ ହେବ 

  ନୀରୋଗ  ପ୍ରତିକ୍ଷଣେ । 

ସକାଳେ ବେଳା ପବନେ ଥାଏ 

  ଶୁଦ୍ଧ ଅମଳଜାନ,

  ଶକତି ମିଳେ ଅମାପ ସେଠୁ 

  ଜାଣ ଯେ ରାତିଦିନ  । 

ମନ ସତେଜ ରହେ ଦିନଟି 

  ବୁଲି ଆସିଲେ ଥରେ,

  ମନ୍ଦ ଚିନ୍ତାକୁ ଆମ ଭିତରୁ 

  ସଅଳ ଦୂର କରେ । 

ସକାଳେ କେତେ କୀଟ ପତଙ୍ଗ 

  ବୁଲନ୍ତି ମାଳ  ମାଳ,

  ତାଙ୍କ ପାଇଁ ତ ସେଇ ସମୟ 

  ଖାଦ୍ୟ ସଂଗ୍ରହ  ବେଳ । 

ପବନ ଗାଏ ମଧୁର ଗୀତ 

  ଖରା ବଜାଏ ବାଜା,

  ସକାଳ ବେଳା  ସଭିଙ୍କୁ  କରେ 

  ମନ ରାଇଜ ରାଜା । 

ତୁମକୁ ପିଲେ ସକାଳ ବେଳା 

  ଫୁଲ ପରିକା ଗଢେ 

  ସକାଳେ ବୁଲି  ପଢିଲେ  ଆସି 

  ସ୍ମରଣ  ଶକ୍ତି  ବଢେ । 

∎ 

  ଜନାର୍ଦ୍ଦନପୁର ଶାସନ 

  କେନ୍ଦୁଝର 

  ୭୬୮୩୮୬୭୭୪୨