ଅଗଡ଼ ବଗଡ଼ ଝାଇଁକି ଝୁମ୍ପା
ଶ୍ରୀ  ପ୍ରଫୁଲ୍ଲ କୁମାର ସାହୁ
ଫେବୃଆରୀ : ୨୦୨୬
Canonical: https://sishu.kabitawithoutborders.org/shishu/article_details-812ed48bfe.html

ଅଗଡ଼ ବଗଡ଼ ଝାଇଁକି  ଝୁମ୍ପା 

  ବାଟରେ ପଡ଼ିଛି କଦଳୀ ଚୋପା 

  ବାଟ ଚାଲୁଥିବ  ଥିରି,

  କଦଳୀ ଚୋପାରେ ଗୋଡ଼ ପଡ଼ିଗଲେ 

  ପଡ଼ିବ ନକରି  ଡେରି l

                 ( ୨) 

  ଅଗଡ଼ ବଗଡ଼ ଝାଇଁକି ଝୁମ୍ପା 

  ପାରା ନେଇଗଲା ଧାନରୁ  ଖୁମ୍ପା 

  ଧାନ ଜଗିଥିଲେ  ଆଈ,

  ବାଡି ଧରି ସିଏ ଦଉଡ଼ି  ଯିବାରୁ 

  ପଡ଼ିଲେ କଚାଡ଼ି  ହୋଇ l

                ( ୩ ) 

  ଅଗଡ଼ ବଗଡ  ଝାଇଁକି ଝୁମ୍ପା 

  ପାଠ ନ ପଢ଼ିଲେ  ରାଗିବେ ବାପା 

  ମନଦେଇ ପଢ଼  ପାଠ,

  ଅଜ୍ଞାନ ଅନ୍ଧାର  ହୋଇଯିବ ଦୂର 

  ଦେଖାଯିବ ନୂଆ  ବାଟ l

               (୪ ) 

  ଅଗଡ଼ ବଗଡ଼ ଝାଇଁକି  ଝୁମ୍ପା 

  ନିଜର ପୋଷାକ ରଖିବ  ସଫା 

  ନପିନ୍ଧିବ କେବେ  ମଳି,

  ନିଜର ହାତରେ ନିଜ କାମ କଲେ 

  ଖୁସି ଯିବ ତୁମ  ବଳି l 

                 ( ୫ ) 

  ଅଗଡ଼ ବଗଡ଼  ଝାଇଁକି ଝୁମ୍ପା 

  ଶିବଙ୍କର ପ୍ରିୟ  ଫୁଲଟି ଚମ୍ପା 

  ବାଡ଼ିରେ ଲଗାଅ  ଗଛ,

  ଗଛ ର ଯତନ ନିଜେ ନିଅ ତୁମେ 

  ସବୁ କାମ କରି  ପଛ l

  ∎ 

  ଅବସରପ୍ରାପ୍ତ ପ୍ରଧାନ ଶିକ୍ଷକ,

  ବାଲିପଡ଼ା, ମାହାଙ୍ଗା, କଟକ -୭୫୪୨୦୭ 

  ମୋ -୭୬୦୯୦୪୪୩୮୩