କିଏ ହେବ ତାର ସରି
ଜୟନ୍ତିକା
ଡିସେମ୍ବର: ୨୦୨୫
Canonical: https://sishu.kabitawithoutborders.org/shishu/article_details-80190013cb.html

ବଡ଼ କଥା ନୁହେଁ ଯୁକ୍ତିରେ ଜିତିବା 

  କଳି ତକରାଳ କରି,

  ନିଜ ହାରପଣ ଜିତିପାରେ ଯିଏ 

  ଜିଣି ପାରିଥାଏ ଅରି । 

  ନିଜକୁ ବୁଝିବା କଥାଟି ଅଟଇ 

  ଆତ୍ମବିଶ୍ଵାସର କଥା 

  ଦୁବଳ ମନକୁ ଜିତିପାରେ ଯିଏ 

  ପାଇଥାଏ ସଫଳତା। 

  ସବୁ ବିଜ୍ଞାନର ପଛରେ ରହିଛି 

  ମାନସିକ ଟାଣପଣ,

  ସଫଳ ମଣିଷ ବୁଝନ୍ତି କଥାଟି 

  ପାଆନ୍ତି ନୂଆ ସନ୍ଧାନ । 

  ଦୁର୍ବଳତା ଠାରୁ ଦୂରେଇ ରହେ ଯେ 

  ସଫଳ ହୁଅଇ ସେଇ 

  ଯେତିକି ଦୁର୍ବଳ ଭାବିବା ନିଜକୁ 

  ସେତେ ହାରୁଥିବା ଭାଇ । 

  ଆଖି ଦେଖୁଥିବା ଜୟ ପରାଜୟ 

  ଆଲୁଅ ଅନ୍ଧାର ପରି,

  ନିଜ ହାରପଣ ଜୟ କରିଛି ଯେ 

  କିଏ  ହେବ  ତା`ର ସରି ?

∎