ମାଙ୍କଡ଼ ବିଲେଇ ଲାଗିଲେ କଳି
ସୁଜିତ କୁମାର ମିଶ୍ର
ଅଗଷ୍ଟ: ୨୦୨୫
Canonical: https://sishu.kabitawithoutborders.org/shishu/article_details-7d783ff254.html

ମାଙ୍କଡ଼ ବିଲେଇ ଲାଗିଲେ କଳି, 


                                  କଥା କଟାକଟି ତେଜିଲା ପୁଣି । 


                                  ମାଙ୍କଡ଼ କହିଲା ଶୁଣୁ ବିଲେଇ,


                                  ମୋ ପରି ଭକତ ଜଗତେ କାହିଁ? 


                                  ଆକାଶ ତଳେ ମୋ ମୁକ୍ତି ଜୀବନ, 


                                  ଶେଜ ପରା ତୋର ଅନ୍ଧାର କୋଣ । 


                                  ଡାଳ ଫଳ ପତ୍ର ମୋର ଆହାର, 


                                  ଜଗୁଥାଉ ତୁହି ଅଇଁଠା କା`ର ।


                                  ବିଲେଇ କହିଲା ଶୁଣୁ ମାଙ୍କଡ଼, 


                                  ମୁଁ ପରା ସଭିଙ୍କ ବିଶ୍ବାସ ଗଡ । 


                                  ନାହିଁ ତୋର ପରା ଖଣ୍ଡିଏ ବାସ, 


                                  ମୋ ପାଖରେ ଅଛି ରାଜ ଉଆସ । 


                                  ଘରର ଛାତକୁ ଭାଙ୍ଗୁ ତୁ ଡେଇଁ, 


                                  ସୁରକ୍ଷାକାରୀ ମୁଁ ମାଲିକ ପାଇଁ ।


                                  ସବୁ ଜୀବ ପାଶେ ଅଛି ସୁଗୁଣ, 


                                  କଳି କର କିଆଁ ବନ୍ଧୁ ଦିଜଣ ? 


                                                                    ∎  



                                  ଜନାର୍ଦ୍ଦନପୁର ଶାସନ 


                                  କେନ୍ଦୁଝର 


                                  ୭୬୮୩୮୬୭୭୪୨