ବରଷା  ସକାଳ
ପ୍ରଶାନ୍ତ କୁମାର ଦାଶ
ଅଗଷ୍ଟ: ୨୦୨୪
Canonical: https://sishu.kabitawithoutborders.org/shishu/article_details-7bdebe2b59.html

ଏଇତ ସକାଳ ଉଇଁଚି ସୁରୁଯ 

                                  ଫୁଟିଚି ଫୁଲ 

                                  କହିଲେଣି ଅଜା ନିଦୁଉଠି ପିଲେ 

                                  ବାହାରେ ବୁଲ ||

 କାଉ କୁମ୍ଭାଟୁଆ କୁକୁଡ଼ା ବତକ 

                                  ଉଠିଲେ ରାବି 

                                  ନାହାଁନ୍ତି ଆକାଶେ ଜହ୍ନ ତାରାଫୁଲ 

                                  ଅଛନ୍ତି ରବି ||

 ଖରା ଦିଶୁନାହିଁ ଆକାଶୁ ଖସୁଛି 

                                  ବରଷା ଧାରା 

                                  ବିଛେଇ ପଡୁଛି ବରଷାର ଜଳ 

                                  ଗହୀର ସାରା ||

 ଜଳଦେଖି ଖୁସି ଚାଷୀଦିଏ ହସି 

                                  କରଇ ଚାଷ 

                                  କଅଁଳିଗଲାଣି ମାଟିର ଛାତିରେ 

                                  ଝାଉଁଳା ଘାସ ||

 ବରଷାରେ ଭିଜି ଯାଏ ପାଠଶାଳା 

                                  ତଥାପି କୁନା 

                                  ଆଶା ସେ ସଞ୍ଚିଛି ହେବ ଭଲଚାଟ 

                                  ହେଵତ ସୁନା ||

 ପୋଖରୀ ପାଟରେ ପୁରୀଉଠିଲାଣି 

                                  ଗୋଳିଆ ପାଣି 

                                  ଫକ ଫକ ଡିଏଁ ବରଷାକୁ ଦେଖି 

                                  ବେଙ୍ଗୁଲୀ ରାଣୀ ||

 ଆଲୋକ ମହକ ବିତରଇ ଆସି 

                                  ସକାଳ ହସି 

                                  ଗୀତଗାଏ ପକ୍ଷୀ ସକାଳକୁ ଦେଖି 

                                  ଗଛରେ ବସି ||

 ବରଷା ଋତୁର ସକାଳ ଥରାଏ 

                                  ଦେହକୁ ଆସି 

                                  ଲୁଚାଇ ରଖଇ ସୁରୁଜକୁ ମେଘ 

                                  ଆକାଶେ ଭାସି ||

 ବରଷା ଛାଡିଲେ ସୁଖପରି ଖରା 

                                  ଧରାକୁ ଖସେ 

                                  ଖରାପାଇ ଗାଆଁ ସହର ନଅର 

                                  ପଲ୍ଲୀ ବି ହସେ ||

 

∎  

                                   କୁଞ୍ଜର ସଙ୍ଗଳାଇ 

                                  ପିପିଲି ପୁରୀ 

                                  ଫୋନ  -9668822190