ପିଲାଦିନ  ସ୍ମୃତିଚିହ୍ନ
ପ୍ରଶାନ୍ତ କୁମାର ଦାଶ
ଅକ୍ଟୋବର: ୨୦୨୪
Canonical: https://sishu.kabitawithoutborders.org/shishu/article_details-7a2111465b.html

ନଥାଏ ମନେ ଚିନ୍ତାକି ଦକ 

                                  ଖେଳରେ ବିତେ ଦିନ 

                                  ସବୁଠୁ ଭଲ ପିଲାଦିନତ 

                                  ଆଜି ସ୍ମୃତିର ଚିହ୍ନ  । 

 ପିଲାଦିନର ଅଭୁଲା ଛବି 

                                  ଭୁଲି ହୁଏନି ମନୁ 

                                  ଥିଲା ଓଠରେ ହସର ମହୁ 

                                  ସୁନ୍ଦର ସେଇ ତନୁ  ।   

 ବାଲି ଧୂଳିରେ ତିଆରି ଘର 

                                  ମିଛି ମିଛିକା ଖେଳ 

                                  ହସ ଖୁସିରେ ସକାଳ ସଞ୍ଜ 

                                  କଟୁଥିଲାତ ବେଳ  ।   

 ପାଠ ପଢିବା ଆକଟ କେବେ 

                                  ନଥିଲା ପିଲାବେଳେ 

                                  କାଗଜଡ଼ଙ୍ଗା ଭସାଉଥିଲୁ 

                                  ସାଥୀ ପିଲାଙ୍କ ମେଳେ  ।   

 ଜଣେତ ହୁଏ ଗାଆଁଦାଣ୍ଡରେ 

                                  ମିଛି ମିଛିକା ରାଜା 

                                  ସାଥୀପିଲାତ ମିଳି ମିଶିକି 

                                  ବଜାନ୍ତି ବସି ବାଜା  ।   

 ଆଉଜଣେତ ହୁଅଇ ରଣୀ 

                                  ମନକୁ ନିଏ କିଣି 

                                  ପିଲାଦିନର ଅଭୁଲା ଖେଳ 

                                  ମରମ ଯାଏ ଜିଣି  ।   

 ଆକଟ ଛାଟ ବିନାଦଣ୍ଡରେ 

                                  ପିଲାଦିନତ କଟେ 

                                  ଅଭୁଲା ଯେତେ ଘଟଣା ସବୁ 

                                  ପିଲାଦିନରେ ଘଟେ  ।   

 ପିଲାଦିନକୁ ଖୋଜିଲେ ଯେତେ 

                                  ମିଳଇନାହିଁ ସିଏ 

                                  ମନେପଡିଲେ ମନମରମେ 

                                  ଖାଲିସେ ଦୁଃଖଦିଏ  ।  

 

                                 ∎ 

                                  କୁଞ୍ଜର ସଙ୍ଗଳାଇ 

                                  ପିପିଲି ପୁରୀ 

                                  Mobile  -9668822190