ସ୍ବାଗତଂ ନୂଆ ବର୍ଷ
ଜୟକୃଷ୍ଣ ସାହୁ
ଜାନୁଆରୀ: 2026
Canonical: https://sishu.kabitawithoutborders.org/shishu/article_details-78e7b2997c.html

ନୂଆ ଵରଷରେ ନୂଆ ସକାଳର 

  ଚୁନା ଚୁନା ସୁନା ଖରା 

  କାକର ଟୋପାରେ ମୁକୁତା ତିଆରି 

  ଵାଣ୍ଟଇ ମୂଲକ ସାରା 

  ହେ ନୂଆ ବରଷ ଆସ,

  ସେ ମୁକୁତା ହାର ଶ୍ରେଷ୍ଠ ଉପହାର 

  ନେଇ ମନ କର ତୋଷ। 

  ତୁମରି ନାଆଁରେ ଗୋଟିଏ ବରଷ 

  ଶାସନ ଚାଲିବ ଏଠି 

  ତୁମେ ଭରିଦେବ ସଭିଙ୍କ ହୃଦୟେ 

  ସୁଖ ଶାନ୍ତି ଭକ୍ତି ପ୍ରୀତି 

  ପାଦ ଥାପି ଆସ ଥରେ,

  ସେଇ ଶୁଭଦିନ ଆସୁଅଛି ଏଇ 

  ଜାନୁଆରୀ ପହିଲାରେ। 

  ଖାତାଖାତିଆନା କ୍ୟାଲେଣ୍ଡର ପାଞ୍ଜି 

  ତୁମ ନାମେ ହେଵ ଲେଖା 

  ପଚିଶି ଜାଗାରେ ଛବିଶ ବସିଲେ 

  ତୁମ ସଙ୍ଗେ ହେଵ ଦେଖା 

  ଲେଖି ଆମେ ହେବୁ ଖୁସି,

  ତୁମ ଆଶୀର୍ବାଦେ ସୁଖର ସପନ 

  ଆମେ ଦେଖୁଥିବୁ ବସି 

  ସ୍ବାଗତଂ ନୂଆ ବର୍ଷ,

  ପଚିଶ ଏଠାରୁ ବିଦାୟ ନେଉଛି 

  ସହଳ ସହଳ ଆସ। 

∎ 

  କପିଳ ପ୍ରସାଦ, ଭୁବନେଶ୍ୱର-୨ 

ମୋ-୯୯୩୭୦୯୨୩୯୭.