ରଖିଯିବା ଯଶ ନାମ
ନୀଳମଣି ଚାନ୍ଦ
ସେପ୍ଟେମ୍ବର: ୨୦୨୫
Canonical: https://sishu.kabitawithoutborders.org/shishu/article_details-745108f472.html

ଘଣ୍ଟା ଚାଲୁଥାଏ ନଈ ବହୁଥାଏ

  ଅଟକିବା ଦେଖିନାହିଁ

  ପଛକୁ ନ ଚାହିଁ ଆଗକୁ ଚାଲରେ

  ଶିକ୍ଷା ଦିଏ ଆମ ପାଇଁ।

 

  ଆଗକୁ ଚାଲିବା କଥାଟି ଶିଖିବା

  ଘଣ୍ଟା ଓ ନଈକୁ ଦେଖି

  ଆଜି କାମ ଆଜି କରିବା କଥାଟି

  ଦେବା ଡାଏରୀରେ ଲେଖି।

 

  ଅଳସୁଆ ଯିଏ କାମକୁ ପକେଇ

  ବସି ମାରୁଥାଏ ହାଇ

  ଆଗକୁ ଚାଲିବା କଥା ପୂରାପୂରି

  ମନରୁ ସେ ଭୁଲିଥାଇ ।

 

  ଘଣ୍ଟା ଚାଲୁଥାଉ, ନଈ ଚାଲୁଥାଉ

  ହାତ ଚାଲୁଥାଉ ଆମ

  ଭଲକାମ କରି ଆଗେଇ ଚାଲିଲେ

  ରଖିଯିବା ଯଶ ନାମ ।

∎  

 ୨୭,ମନ୍ତ୍ର ମାନୋର,ଗୋଠପାଟଣା

  ଭୁବନେଶ୍ୱର,ମୋ:୯୫୮୩୨୦୨୩୫୭