ସମୟ  ନଈ ଅଟକେ ନାଇଁ
ଧ୍ରୁବ  ଚରଣ ଘିବେଲା
ଡିସେମ୍ବର: ୨୦୨୪
Canonical: https://sishu.kabitawithoutborders.org/shishu/article_details-73940f8351.html

ସମୟ  ନଈ ଅଟକେ ନାଇଁ 


                                  ବହେ  ସେ ଅବିରତ 


                                  ସତସତିକା  ନଈର ଥାଏ 


                                  ଦୁଇ  କୂଳ ନିଶ୍ଚିତ I


                                  ସମୟ  ନଈ ବହେ ସେମିତି 


                                  ନଥାଇ  ଦୁଇ କୂଳ 


                                  ଅସଲ  ନଈ ଯାଏ ଅଟକି 


                                  ନ  ଥିଲେ ସୁଅ ଧାର I


                                  ସମୟ  ସୁଅ ସେ ନିରବଧି 


                                  କେଉଁ  କାଳୁ ବହୁଛି 


                                  ସମୟ  ନଈ ପାଣି ନ ଥାଇ 


                                  ଆଗେଇ  ସେ ଚାଲିଛି I


                                  ସମୟ  ଟାକେ ନାହିଁ କାହାକୁ 


                                  ଏକଲା  ଚାଲିଥାଏ 


                                  ସମୟ  ସାଥେ କିଏ ବା ପୁଣି 


                                  କେଉଁଠି  ଯୋଡ଼ିହୁଏ I


                                  ସମୟ  ଆଗେ କେ ନୁହେଁ ବଡ଼ 


                                  ସମୟ  ବଳବାନ 


                                  ସମୟ  ବଳେ କିଏ ବା ହୁଏ 


                                  ଅତୀବ  ଭାଗ୍ୟବାନ I


                                  ଆଜିର  ରାଜା କାଲି ଫକୀର 


                                  କରି  କରାଉଥାଏ 


                                  ସମୟ  ପୁଣି କାହାକୁ ନେଇ 


                                  କେଉଁଠି  ଥୋଇଦିଏ I


                                  ସମୟ  ସୁଅ ଅନୁକୂଳରେ 


                                  କେ  ହୁଏ ଭାଗ୍ୟବାନ 


                                  ପ୍ରତିକୂଳର  ସ୍ଥିତିରେ ରହି 


                                  କେ  ସାଜେ ହୀନିମାନ I


                                  ସମୟ  ନଈ ଚାଲିଛି ବହି 


                                  ଚାଲିଥିବ  ସେମିତି 


                                  କେଉଁଠି  କେବେ ରହିଯାଏନି 


                                  ନ  ଅଟକି ଯେମିତି I


                                  ସୁଖ  ସମୟ ଗତି ଅଧିକ 


                                  ଶୀଘିର  ଚାଲିଯାଏ 


                                  ଦୁଃଖ  ସମୟ ଗତି ମନ୍ଥର 


                                  ସହଜରେ  ନଯାଏ I





                                             ∎  


ବଉଦରାଜ,  ଜି. ବୌଦ୍ଧ


                                  ମୋ.9437478466S