ଉଡୁରେ ଉଡ଼ୁ ତ୍ରିରଙ୍ଗା ଉଡ଼ୁ
ନୀଳମଣି ଚାନ୍ଦ
ଅଗଷ୍ଟ: ୨୦୨୪
Canonical: https://sishu.kabitawithoutborders.org/shishu/article_details-6fa3574d9e.html

ଇନ୍ଦ୍ରଗୋପର ଗୋଟିଏ ରଙ୍ଗ


                                  ଇନ୍ଦ୍ରଚାପର ସାତ


                                  ଅଶୋକ ଚକ୍ର,ତିନିରଙ୍ଗିଆ


                                  ଆମ ତ୍ରିରଙ୍ଗା ସେତ।


                                  କପୋତ ଉଡ଼େ ବେଲୁନ୍ ଉଡ଼େ


                                  ଯେ ଉଡ଼େ ଫରଫର


                                  ସିଏ ଜାତୀୟ ପତାକା ଆମ


                                  ତାକୁ ସଲାମ କର।


                                  ଗୀତରେ ଗୀତ ଗୋଟିଏ ଗୀତ


                                  ଜନ-ଗଣ ତା ନାଆଁ


                                  ସେଇ ଗୀତଟି ହୋଇବ ଗାନ


                                  ସହର ଠାରୁ ଗାଆଁ।


                                  ଇନ଼କିଲାବ୍, ଜୟହିନ୍ଦ୍


                                  ସ୍ଳୋଗାନ୍ ସବୁ ଦେବା


                                  ସକାଳ ବେଳା `ପ୍ରଭାତଫେରି`


                                  ଆସ ତା ମଜା ନେବା।


                                  ଭୁଲିବା ନାହିଁ ଅଗଷ୍ଟ ମାସ


                                  ପନ୍ଦର ତାରିଖକୁ


                                  ସ୍ୱାଧୀନତା ଦିବସ ଭାବେ


                                  ଆମେ ପାଳଇ ତାକୁ।


                                  ଉଡୁରେ ଉଡ଼ୁ ତ୍ରିରଙ୍ଗା ଉଡ଼ୁ


                                  ଉଚ୍ଚରେ ଟେକି ମଥା


                                  ଶୁଣେଇ ଦେଉ ଶାନ୍ତି ଅହିଂସା


                                  ଆଉ ମୈତ୍ରୀର କଥା।


∎  



    ୨୭, ମନ୍ତ୍ର  ମାନୋର,ଗୋଠପାଟଣା


                                  ଭୁବନେଶ୍ୱର,ମୋ:୯୫୮୩୨୦୨୩୫୭