ବନ୍ଦିବା ଭାରତମାତା
ଡ. ବିଜୟା ପାତ୍ର  (ସ୍ବାଇଁ)
ଅଗଷ୍ଟ: ୨୦୨୬
Canonical: https://sishu.kabitawithoutborders.org/shishu/article_details-6c8829081f.html

ଆସିଛି ରେ ଏବେ ଅଗଷ୍ଟ  ପନ୍ଦର 

  ସ୍ବାଧୀନତା ବାର୍ତ୍ତା  ନେଇ 

  ଆସ ଆସ ସର୍ବେ ମିଳି  ଏକ ଠାବେ 

  ବିଜୟ ଗୀତିକା ଗାଇ 

  ଆମେ ବନ୍ଦିବା  ଭାରତମାତା, 

  ବୁକୁରେ ତାର ଯେ  ସାଇତି ରଖିଛି 

  ଅଶୀ ବରଷର କଥା। 

ଭାରତ ମାତା ସେ ଜନନୀ  ଆମର 

  ଆମ ଶ୍ରେଷ୍ଠ ଗଉରବ 

  ସାରା ଜଗତର ଦେଶ  ମଧ୍ଯେ ସାର 

  ବିଶ୍ବେ ବାଣ୍ଟି ସଉରଭ 

  ନିତି ଏ ସନ୍ଦେଶ  ପ୍ରଚାରଇ, 

  ଦେଶ ହିତ ଠାରୁ ବଡ  କାମ ଆଉ 

  ଦୁନିଆ ରେ କିଛି  ନାହିଁ। 

ବହୁ ସଂଘର୍ଷ ର ପରେ  ହିଁ ମିଳିଛି 

  ଆମକୁ ଏ ସ୍ବାଧୀନତା 

  ବିଦେଶୀ ଶାସନ ହାତରୁ  ମୁକତି 

  ପାଇଛି ଭାରତ ମାତା 

  ତାର ତୁଳନା ନାହିଁ  କାହିଁ ରେ, 

  ପ୍ରାଣ ଯାଉ ପଛେ  ତାହାର ସୁରକ୍ଷା 

  ଅତୁଟ ରହୁ ମହୀ ରେ। 

∎ 

ଭୁବନେଶ୍ୱର-୨