ବାପା
ଶ୍ରୀ ପ୍ରଫୁଲ୍ଲ କୁମାର  ସାହୁ
ଅକ୍ଟୋବର: ୨୦୨୫
Canonical: https://sishu.kabitawithoutborders.org/shishu/article_details-697941e6c3.html

ବାୟୁ ପାଣି ବିନା କେ ବଞ୍ଚି ପାରିବ

  ଏହି ସଂସାର ରେ କୁହ,

  ଯାହା ପାଇଁ ଜୀବ ଧରିଛି ଜୀବନ

  ବଞ୍ଚାଇଛି ନିଜ ଦେହ l



  ସଭିଙ୍କ ପାଇଁ ଯେ ସେତ ସଂଜୀବନୀ

  ଜନମ ରୁ ମୃତ୍ୟୁ ଯାଏ,

  ନିତି ପ୍ରତି ରହି ଆମ ଦେହ ସାଥେ

  ଜୀବକୁ ବାଟ ବତାଏ l



  ବାୟୁ ପାଣି ପରି ଆମରି "ବାପା" ଯେ

  ନିଜ ସ୍ନେହ ଶରଧା ରେ,

  ବଢାଇ ଥାଆନ୍ତି ନିଜର ପିଲାଙ୍କୁ

  ସାହା ହୋଇ ବିପଦ ରେ l



  ନିଜ ଜୀବନ ରେ ସହି ଦୁଃଖ କଷ୍ଟ

  ପିଲାଙ୍କ ମଙ୍ଗଳ ପାଇଁ,

  ନିଜେ ଖଟି ନିତି ଦିଅନ୍ତି ଆହାର

  ନିଜର ପିଲାଙ୍କୁ ନେଇ l

  ଦୀପ ରେ ସାଳିତା ପରି ଜଳି ଜଳି

  ଦେଖାଇ ଥାଆନ୍ତି ବାଟ,

  ବାପା ଗଲା ପରେ ପିଲାଙ୍କୁ ଦିଶଇ

  ଅନ୍ଧାର ସାରା ଜଗତ l

∎ 

ଯଦୁ - ମାଳତୀ କୃପା ନିବାସ,

  ଶକ୍ତି ବିହାର / ବାଲିପଡ଼ା, ପୋଷ୍ଟ - ଗୌଡଗୋପ,

  ଭାୟା - ନିଶ୍ଚିନ୍ତକୋଇଲି, ଜି - କଟକ -୭୫୪୨୦୭

  ମୋ –୭୬୦୯୦୪୪୩୮୩