ଟେକି ଗରବେ ମଥା
ନଗେନ୍ଦ୍ର ନାଥ ପଟ୍ଟନାୟକ
ଜୁଲାଇ: ୨୦୨୫
Canonical: https://sishu.kabitawithoutborders.org/shishu/article_details-6730e3d649.html

କେଡେ  ସୁନ୍ଦର   କି ମନୋହର 

  ଆମ ଧରଣୀରାଣୀ 

  କିଛି  ନ ନେଇ   ଆମ ସଭିଙ୍କୁ 

  ଦିଅଇ ଦାନା-ପାଣି । 

  କି  ମନୋରମ  ଦିଶଇ ଆମ 

  ଧରାରେ ତରୁ-ଲତା 

  ଫଳ  କୁସୁମ ଶୋହେ ତା` କୋଳେ 

  ଟେକି ଗରବେ ମଥା। 

  ନଦୀ  ଝରଣା   ସାଗର-ନଈ 

  ବୁକୁରେ ବହେ ତାର 

  ବସୁଧା  ମାଆ   ପରଶ ଲଭି 

  ଦିଏ ପୀୟୂଷ ଝର । 

  ନଈ  କଡ଼ରେ  ରୋପିବ ଚାରା 

  ନ ଭାବି ଆଗ-ପଛ 

  ବଞ୍ଚି ରହିବ     ନଈଟି ଆମ 

  ତା ପାଶେ ଥିଲେ ଗଛ ।   

  ମାଙ୍କଡ  ଡିଏଁ   ଗଛକୁ ଗଛ 

  ଶୁଣି ପକ୍ଷୀଙ୍କ ରୋଳ 

  ସବୁଜ  ପାଟେ  ଧରା ସୁଷମା 

  ନାହିଁ ଉପମା ତାର । 

∎  

ଓସ୍କାର ସିଟି,ଲେନ୍  ନଂ ୯,ପ୍ଲଟ ନଂ ୪୫୬

  ଲକ୍ଷ୍ମୀ ସାଗର କେନାଲ ରୋଡ ,ଭୁବନେଶ୍ୱର

  ମୋ-8144859430