ଫୁଟି ବି  ଫୁଲଟି  ପରି
ଅନନ୍ତ କୁମାର ସେନାପତି
ଜୁନ: ୨୦୨୫
Canonical: https://sishu.kabitawithoutborders.org/shishu/article_details-668b5fba07.html

ଫୁଲଟିଏ  ହୋଇ ଫୁଠିବି କାନନେ 


                                  ସୁନ୍ଦର  ପାଖୁଡା ମେଲି,


                                  ଦେହରେ  ମୋହର ସୂରୁଜ କିରଣ 


                                  ନାନା  ରଙ୍ଗ ଦେବ ତୋଳି          । 


ସମୀର  ପରଶେ ଝୁଲି ଝୁଲି ମୁହି 


                                  ଛୁଇଁବି  ମାଆର କୋଳ,


                                  ଯେଉଁଠି  ମିଳଇ ସିନେହ, ଶରଧା 


                                  କୋଟି  ମମତା ର ମୁଲ      । 


କାକର,କୁହୁଡି,ବରଷା କି ଝଡି 


                                  ସବୁ  ମୁଁ ପାରିବି ସହି,


                                  ଲଭିବି  ଆନନ୍ଦ ମୋ ଟିକି ବାସନା 


                                  ଆନକୁ  ବିତରି ଦେଇ        । 


ଝଡିଯିବି  ପଛେ କାହାରି ମନ ରେ 


                                  ଦେବି  ନାହିଁ କିଛି ଦୁଃଖ,


                                  ଆଦରେ  ଯେ ମୋତେ ରଖନ୍ତି ହୃଦରେ 


                                  ସେଇ  ତ ସରଗ ସୁଖ        । 


ଜାଣିନାହିଁ  ଖେଦ ବାଦ ଅପବାଦ 


                                  ନାହିଁ  ମୋ ଅସନା ମନ,


                                  ସୁନ୍ଦର  ଏହି ଧରାଟି ମୋ ପାଇଁ 


                                  ଦେଇଛି  ଦିବ୍ୟ ପରାଣ      । 


ଗଢିଛନ୍ତି  ବିହି ରୂପ ରଙ୍ଗ ଦେଇ 


                                  ଅତି  ଯତନ ରେ ଆଣି,


                                  ଆନ  ଖୁସି ପାଇଁ  ଫୁଟିଯିବି ମୁହିଁ 


                                  ସଭିଙ୍କୁ  ଆପଣା ମଣି          । 


                                  ∎  


                                  ବାଣ୍ଠୁପଡା, ରାଜଗାଙ୍ଗପୁର,  ସୁନ୍ଦରଗଡ଼ 


                                  ଫୋନ  7008304225