ଜନମ  ଭୂଇଁ ଓଡିଶା
ଦୀନବନ୍ଧୁ ପୋଇ
ଏପ୍ରିଲ: ୨୦୨୫
Canonical: https://sishu.kabitawithoutborders.org/shishu/article_details-626ac5baea.html

ଜନମ ଭୂଇଁ ଓଡିଶା ମୋର


                                  ତାପରି କେହି ନାହିଁ


                                  ତାହାରି କୋଳେ ଜନମ ହୋଇ


                                  ଧନ୍ୟ ହୋଇଛି ମୁହିଁ ।


                                  ଉତ୍କଳ ବୋଲି  ଜାଣନ୍ତି ତାକୁ


                                  ଯେଣୁ ଉତ୍କୃଷ୍ଟ କଳା


                                  ସାକ୍ଷୀ କୋଣାର୍କ,  ଖଣ୍ଡଗିରିର


                                  ସାଧୁ ସନ୍ଥଙ୍କ ମେଳା ।


                                  ତାରକସିରେ ବିଖ୍ୟାତ ଆଜି


                                  ତାର କଟକ ଜିଲ୍ଲା


                                  ଜିଆଇ ମାନ୍ୟ ଆଣିଦେଇଛି


                                  ଓଡିଶା ରସ ଗୋଲା ।


                                  ପୁରୀ ଚାନ୍ଦୁଆ ଢେଙ୍କାନାଳିଆ


                                  ବରା ପ୍ରସିଦ୍ଧ ଏଠି


                                  ତା ଭାଷା ସଂସ୍କୃତି ପୂଜା ପଦ୍ଧତି


                                  ଧରି ରଖେ ଏକାଠି |


                                  ଏଠି ଜନମ ଜୟି ବାଜିଆ


                                  ରେବତୀ ସ୍ରଷ୍ଟା କବି


                                  ମଧୁବାବୁଙ୍କ ସେ ବର୍ଣ୍ଣବୋଧ


                                  ଆକର୍ଷଣୀୟ ଛବି |


                                  ସମ୍ବଲପୁରୀ ଶାଢି ଆଦର


                                  ଆମର ପରିଚୟ


                                  ବିଶ୍ଵରେ ଆଜି କହୁ ଗର୍ବରେ


                                  ବୁଣାକାରର  ଜୟ ।


                                  ଓଡିଶା ପାଇଁ ଆସରେ ଭାଇ


                                  ଫୁଲାଇ ଦେଇ ଛାତି


                                  ଗାଇବା ତାର ଯଶ ଗୌରବ


                                  ରଖି ତା ଭାଷା ପ୍ରୀତି ।


                                  ∎  


                                  ଗୋରଡା ପାଳ , କରମୂଳ, ମହିମାଗାଦି


                                  ଢେଙ୍କାନାଳ, ଦୂରଭାଷ - ୯୯ ୩୮୮୦୨୪୧୨