ଫୁଲ ହସେ ସକାଳକୁ
ଧ୍ରୁବ ଚରଣ ଘିବେଲା
ମାର୍ଚ୍ଚ: ୨୦୨୬
Canonical: https://sishu.kabitawithoutborders.org/shishu/article_details-4f6ae7aa17.html

ଫୁଲ ହସେ ସକାଳକୁ 

  ସୂରୁଯ ହସିଲେ 

  ଝଲସେ ପୁଣି ସକାଳ 

  କିରଣ ମାଖିଲେ I

  ସକାଳର ଆଲୁଅରେ 

  ଫୁଲ ବାଢ଼େ ହସ 

  ଆଲୁଅ ପାଇଁକି ଫୁଲ 

  ସୁନ୍ଦର ସରସ I

  ରଙ୍ଗ ମାଖି ଫୁଲ ଆଭା 

  ଶୋଭା ଦର୍ଶନୀୟ 

  କେଉଁ ବିହୀ ରଙ୍ଗେଇଲା 

  କରି ଲୋଭନୀୟ I

  ରଙ୍ଗ ମହକ ଚମକ 

  ଫୁଲର ଅନନ୍ୟ 

  ଫୁଲ ବାସ ଛୁଟୁଥିଲେ 

  ଫୁଲ ଅନୁପମ I

  ହେମନ୍ତ ଶିଶିର ଛୁଆଁ 

  କରେ ଆନମନା  

  ବିନ୍ଦୁ ବିନ୍ଦୁ ଶିଶିରରେ 

  ଭିଜେ ଫୁଲ ସିନା I

  କହିପାରେ ନାହିଁ ଫୁଲ 

  ମୁହଁ ଖୋଲି କେବେ 

  ଫୁଲ ନୀରବତା ଭାଷା 

  ପ୍ରଜାପତି ବୁଝେ I

  ସେଥିପାଇଁ ପ୍ରଜାପତି 

  ଥାଏ ଫୁଲ କତି  

  ଫୁଲ ବାସ ବାସନାରେ 

  ବଳାଇ ତା` ମତି I

∎ 

  ମୋ.9437478466