ସଂଖ୍ୟା ଗୀତ
ପଣ୍ଡିତ ମଧୁସୂଦନ  ମିଶ୍ର
ଅଗଷ୍ଟ: ୨୦୨୬
Canonical: https://sishu.kabitawithoutborders.org/shishu/article_details-4d2710a10e.html

ଆସ ସଭିଏଁ ଏକାଠି ହୋଇ 

   ଗାଇବା ସଂଖ୍ୟା ଗୀତ  ।  

  କଳି ଝଗଡ଼ା କରିବା  ନାହିଁ 

  ବସିବା ଆମେ ମିତ  ।।  

  ଶୂନ ପରେଟି ପ୍ରଥମ  ସଂଖ୍ୟା 

  ଅଟଇ ଜାଣ ଏକ  ।  

  ମାଆ ମାଟିକୁ ଭୁଲିବା  ନାହିଁ 

  ରଖିବା ତାଙ୍କ ଟେକ  ।।  

  ଏକ ପରେ ତ ଅଟଇ ଦୁଇ 

  ତାପରେ ଅଟେ ତିନି  ।  

  ଅଳପ ଲୁଣ ଦେହକୁ ହିତ 

  ଧଳା ଜହର ଚିନି    ।। 

  ତିନି ପରେତ ଅଟଇ ଚାରି 

  ତାପରେ ଆସେ ପାଞ୍ଚ  ।  

  ଭଲ ମଣିଷ ମିଛ କହେନା 

  ନିଏନା ଜମା ଲାଞ୍ଚ    ।।  

  ପାଞ୍ଚ ପରେତ ଆସଇ ଛଅ 

  ତାପରେ ଆସେ ସାତ  ।  

  ଫୁଲ ପରିକା ବାସିବା  ଆମେ 

  ଯେମିତି ପାରିଜାତ    ।।  

  ସାତ ପରେତ ଆଠ ଆସଇ 

  ତାପରେ ଆସେ ନଅ  ।  

  ନଅ ପରେତ ଆସଇ ଦଶ 

  ସଂଖ୍ୟାର ଗୀତ ଗାଅ   ।।  

 ∎ 

  କେନ୍ଦୁଝର