ରଖିବା ଦେଶର ଟେକ
ଡଃ ସ୍ଵର୍ଣ୍ଣଲତା  ତ୍ରିପାଠୀ
ଅଗଷ୍ଟ: ୨୦୨୬
Canonical: https://sishu.kabitawithoutborders.org/shishu/article_details-4c70de1950.html

ଜାଗରେ ଜାଗରେ ଶିଶୁ  ଦୁନିଆଁ,

 ଆମରି ଦେଶର ରଖିବା  ନାଆଁ ।  

 ଉଣେଇଶ ସହ ସତଚାଳିଶି,

 ଅଗଷ୍ଟ ପନ୍ଦର ଶୁଭ  ଦିନଟି ।  

 

 ଏହି ଦିନ ଦେଶ ହେଲା ସ୍ଵାଧୀନ,

 ତ୍ରିରଙ୍ଗା ପତାକା  ଉଡେ ସେ ଦିନ।  

 ନାରଙ୍ଗୀ,ଧଳା ଓ ବର୍ଣ୍ଣ ସବୁଜ, 

  ବୀରତ୍ଵ,ଶାନ୍ତି,ସମୃଦ୍ଧି ପ୍ରତୀକ ।  

 

 ଗାନ୍ଧୀ,ଗୋପବନ୍ଧୁ ତ୍ୟାଗ ଅନେକ 

 ଆମରି ଦେଶର ରଖିଲେ  ଟେକ 

 ପିଲାବେଳୁ ତାଙ୍କ  ଆଦର୍ଶ ପାଇ,

 କର୍ତ୍ତବ୍ୟ କରିବା  ଶ୍ରମକୁ ଦେଇ ।  

 

 ସ୍ୱାଧୀନତା ପାଇଁ ସଦା  ସୁରକ୍ଷା,

 ଆଗାମୀର ଆମେ ଶିଶୁ  କଳିକା।  

 ଆମରି ନୌକାର ଆମେ  ନାବିକ,

 ଉନ୍ନତି ପଥର ହେବା  ପଥିକ ।  

 

 ଆଜିଠାରୁ ଆମେ ନେବା  ଶପଥ,

 ଆମରି ଦେଶର ରଖିବା  ଟେକ ।  

 ∎ 

 

  ଅବସର ପ୍ରାପ୍ତ ମଣ୍ଡଳ  ସହ—ଶିକ୍ଷାଧିକାରୀ, 

  ପୁରୀ ସଦର ବ୍ଲକ୍,

   ପୁରୀ, କୋଣାର୍କ