ମୋ ଗାଁ
ଦିଲ୍ଲୀପ କୁମାର ସାହୁ
ଏପ୍ରିଲ: ୨୦୨୫
Canonical: https://sishu.kabitawithoutborders.org/shishu/article_details-4aefea02cb.html

ମୋ ଗାଁ ରେ ବଢି  ଅଛି  ଅଛିତ ମରୁଡି 


                                  ବିଜୁଳି ର ଚମକ  କୁ  ଘଡଘଡି   ରଡି 


                                  ଗାଁ ମୋ ତା  ପଣତରେ  ଦିଏ ଝାଡିଝୁଡି 


                                  ମୋ ଆଖିରୁ ଲୁହ ଯେବେ  ପଡଇ ନିଗିଡି । 


   କିଆ ଫୁଲ ବାସ କେବେ  ନାଲି କଇଁ ହସ 


                                  କମକୁଟା କାସତଣ୍ଡୀ  ସେଫାଳି ପରଶ 


                                  ଫଗୁଣ ପୂହ୍ନେଇ  ରାତି  ଭୋଦୁଅର ଜହ୍ନ 


                                  ସବୁଜ କେଦାରେ ଭରା  ଅସରା ସପନ 


                                  ମନ  ଊଣାକଲେ ଦିଏ ସିନେହ  ଅଜାଡି । 


   ବାଦ ବିବାଦ ବି ଅଛି  ଅଛି ବି ବିଶାଦ 


                                  କାନ୍ଧରେ ମିଶାଉ  କାନ୍ଧ ପଡିଲେ ପ୍ରମାଦ 


                                  ଭାଇ ବି ଭଗାରୀ ହୁଏ  ଭଗାରୀ ବି ଭାଇ 


                                  ସତେକି ଉଜାଣି ବହେ  ଭାବନାବ ନଈ 


                                  ଭଙ୍ଗାମନ ମମତା ରେ  ହୋଇଯାଏ ଯୋଡି । 


   ପାର୍ବଣ ରେ  ଦୁଲୁକଇ  ମୋ ଗାଁ ର ଛାତି 


                                  କେତେ ମିଠା କେତେ  ପିଠା ସ୍ନେହ ବଣ୍ଟାବଣ୍ଟି 


                                  ପ୍ରବାସୀ ଆସନ୍ତି  ଫେରି ଘର ଲାଗେ ନୂଆ 


                                  ମିଳନର ଆଶାବରୀ କରଇ  କିମିଆ 


                                  ବୈକୁଣ୍ଠର ବାସ୍ନା ସତେ ପଡଇ ନିଗିଡି । 


    ପୂଜାପାଠ  ପାଦୁକରେ  ଗଭୀର ବିଶ୍ୱାସ 


                                  ଠାକୁରାଣୀ ଧଣ୍ଡା  ପାଣି ମହିମା ଅଶେଷ 


                                  ଘଣ୍ଟ ବାଜିଲେ ଏଠି  ନଇଁଯାଏ ମଥା 


                                  ସଞ୍ଜ ଆଳତୀରେ  ଶୁଭେ ଶାନ୍ତି ର ବାରତା 


                                  ଦୁନିଆ କୁ  ଯୋଡିଦିଏ ସିନେହ ଦଉଡି । 


                                    ∎  



                                  ମୋ:-7077206977