ଭାଗବତ
କୈଳାସ ଚନ୍ଦ୍ର ଧଳ
ସେପ୍ଟେମ୍ବର: ୨୦୨୬
Canonical: https://sishu.kabitawithoutborders.org/shishu/article_details-4a5613d3e2.html

ଭାବରେ ଭଜିବ ଭଜନ 

ଭକ୍ତିରେ ହୋଇବ ମଗନ 

ଭରସା କରିବ ଈଶ୍ୱର 

ଭଣିବ ତାଙ୍କରି ପୟର |

ଗରବ ଗଞ୍ଜନ ଶ୍ରୀହରି 

ଗରବ ନାଶନ୍ତି ସବୁରି 

ଜ୍ଞାନର ମୂଳ ଏ ଜଗତ 

ଜ୍ଞାନଟି ଫେଡ଼ଇ ଆରତ |

ବଦନ ବସନ ବାସନା 

ବର୍ଜନ  ବିଳାସ କାମନା 

ବୈରାଗ୍ୟପଣ ଆଶ୍ରା  କରି 

ବରିବ ନିଶ୍ଚେ ନରହରି |

ତର୍କରେ ରଖିବ ଧିଆନ 

ତର୍କରେ ନାହିଁ ବଡ଼  ସାନ 

ତରିବ ତର୍କ ଟାଣକରି 

ତର୍କରେ ଟଳନ୍ତି ବଇରୀ  |

ଭକ୍ତି ଜ୍ଞାନ  ବୈରାଗ୍ୟ ତର୍କ 

ଭାଗବତେ ଯେ ଚାରି  ସତ୍ୟ 

ସେ ସତ୍ୟ ରସର କ୍ଷରଣ 

ସଂସାରେ କ୍ଷରୁ  ନିତିଦିନ |

∎ 

କନ୍ଧମାଳ 

8895119944