ଶୀତ ଆସିଅଛି ନୂଆ ବର୍ଷ ଧରି
ଲକ୍ଷ୍ମୀଧର ନାୟକ
ଜାନୁୟାରୀ: ୨୦୨୫
Canonical: https://sishu.kabitawithoutborders.org/shishu/article_details-49784f2ef3.html

ଶୀତ ଆସିଅଛି ନୂଆ ବର୍ଷ ଧରି 


                                  କରିବା ସଭିଏଁ ମଜା,


                                  ନୂଆ ବର୍ଷ ସାଥେ ଶୀତ ଅଛି ବୋଲି 


                                  ବଣଭୋଜି ହୁଏ ଖୋଜା । 


ଏଇ ଦୁହିଁଙ୍କର ଅପୂର୍ବ ମିଳନ 


                                  ବିଭୁଙ୍କର ବରଦାନ,


                                  ସେଥିପାଇଁ ସିନା ହସି ଖୁସି କଟେ 


                                  ସଭିଙ୍କର ଦିନମାନ । 


ସାଙ୍ଗ ସାଥି ମେଳେ ନୂଆ ସ୍ଥାନ ବୁଲା 


                                  ମନ ପ୍ରଫୁଲ୍ଲିତ କରେ,


                                  ନୂଆ ଆଶା ସଞ୍ଚି ପୁଣି ବର୍ଷେ ପାଇଁ 


                                  ମନେ ନୂଆ କର ଭରେ । 


ଶୀତ ପାଇଁ ସିନା ନୂଆ ବର୍ଷ ମଜା 


                                  ନୂଆ ବର୍ଷ ପାଇଁ ଶୀତ,


                                  ସେଥିପାଇଁ ଦେଖ ଆସନ୍ତି ମିଶିକି 


                                  ଦୁହେଁ ଆଜୀବନ ମିତ । 


ମିତ ହୋଇ ଦୁହେଁ କରିଥାନ୍ତି ମିଶି 


                                  ସମାଜ ପାଇଁକି ହିତ,


                                  ଖୁସିରେ ସ୍ବାଗତ କରିବା ସଭିଏଁ 


                                  ଗାଇକି ମଧୁର ଗୀତ । 





                                             ∎  



 ବାଉଁଶିଆପଡା, ନୟାଗଡ଼ 


                                  ୮୨୭୦୩୭୨୪୯୮