ଜଳ ହିଁ ଜୀବନ
ଦୀନବନ୍ଧୁ ପୋଇ
ଜୁନ	: ୨୦୨୬
Canonical: https://sishu.kabitawithoutborders.org/shishu/article_details-47428eabbe.html

ଜଳ ହିଁ ଜୀବନ ମୃତ୍ୟୁର କାରଣ

  ତା ବିନା କିଏ ବା ବଞ୍ଚିବ

  ଭୂଗର୍ଭରେ ଅଛି ବୃକ୍ଷଟି ଜାଣିଛି

  ଶୋଷିଲେ ତା ଦୁଃଖ ଘୁଞ୍ଚିବ ॥

  ଶୋଷିକି ଧରାରୁ ଟାଣିକି ପୃଷ୍ଠରୁ

  ଛାଡି ଦିଏ କିଛି ଆକାଶ

  ଘନୀଭୁତ ହୋଇ ଆକାଶୁ ବର୍ଷଇ

  ତା ପାଇଁ ହୁଅଇ ବିକାଶ ॥

  ବୃକ୍ଷଟି କରଇ ଉପକାର ସିନା

  ବୁଝି ପାରୁନି ଏ ମଣିଷ

  ବାୟୁ ଅମ୍ଳଜାନ ପୁଣି ଜଳଦାନ

  କରୁଥାଏ ସାରା ବରଷ ॥

  ରୋଗ କରେ ଦୂର ଖୁସି ହୁଏ ନର

  ପରିଷ୍କାର କରେ ଶରୀର

  ସ୍ନାନ ଶୌଚ଼ ପାଇଁ ଅତି ଦରକାରୀ

  ନିଇତି ହୁଅଇ ଆମର I

  ଜଳଗ୍ରହ ଆମ ପୃଥିବୀ ଅଟଇ

  ତାପାଇଁ ଏ ଜୀବ ଜଗତ

  ଜଳ ଅପଚ଼ୟ ନ କରିବା ପାଇଁ

  କରିବା ସଭିଏଁ ଶପଥ ।

∎ 

  ଗୋରଡ଼ା ପାଳ , କରମୁଳ, ମହିମାଗାଦି

  ଢେଙ୍କାନାଳ , ଦୂରଭାଷ - ୯୯୩୮୮୦୨୪୧୨