ପୂଜା
ନୀଳମଣି ଚାନ୍ଦ
ଅକ୍ଟୋବର: ୨୦୨୪
Canonical: https://sishu.kabitawithoutborders.org/shishu/article_details-42338ee711.html

ପୂଜାଟି ଆସଇ ଶରତ ଆସିଲେ


                                         ବରଷା ଗଲେରେ ଧରାରୁ ଫେରି


                       ପଠାରେ ଫୁଟିଲେ କାଶତଣ୍ଡୀ ଫୁଲ


                                           ସିଏ ଆସିବାରେ ହୁଏନି ଡେରି


                                             ଅଭ୍ର ପରି ଦିଶେ ନଈର ଜଳ


                       ଶୁଖି ଯାଇଥାଏ ଦାଣ୍ଡ ବାଟଘାଟ


                                      ଆକାଶ ଦିଶଇ କି ନିରିମଳ ।





                           ସଜ୍ଜାସଜ୍ଜି ହୋଇ ମେଢ଼ ,ତୋରଣ ଯେ


                                               ଦିଶୁଥାଏ ଆହା କି ଝଲମଲ


                       ଲାଗଇ ଆହୁରି  ମନମତାଣିଆ


                                                   ଉଡ଼ି ଯାଉଥିଲେ ବଗର ପଲ


                                                 ପାଚି ଆସୁଥାଏ ଶାରଦ ଧାନ


                             ପାରବଣ ମଜାମଉଜ ଭିତରେ


                                                 ଖୁସି ହେଉଥାନ୍ତି ବଡରୁ ସାନ ।





                             ସିଂହବାହନରେ ଆସିଥାନ୍ତି ପରା


                                                 ଦେବୀ ଦଶଭୁଜା ମାଆଟି ଆମ


                           ଦଶ`ରା ହୁଅଇ ସରସ ସୁନ୍ଦର


                                                            ସବୁଠି ଚରଚ୍ଚା ପୂଜାର ନାମ      


                                                     ଶିବାନୀ ମହିଷାମର୍ଦ୍ଦିନୀ ମାଆ


                           ` ଅନୀତି ଉପରେ ନୀତିର ବିଜୟ`


                                           ଶିଖିବା ପୂଜାରୁ   ଏକଥା ଆହା ।





∎  


                                                    ୨୭,ମନ୍ତ୍ର ମାନୋର,ଗୋଠପାଟଣା


                               ଭୁବନେଶ୍ୱର--୨୯,ମୋ:୯୫୮୩୨୦୨୩୫୭