ହେ ନୂଆଵରଷ
ପ୍ରଶାନ୍ତ କୁମାର ଦାଶ
ଜାନୁଆରୀ: 2026
Canonical: https://sishu.kabitawithoutborders.org/shishu/article_details-41cdaa45fb.html

ଆସିଥିଲା ଫେରିଗଲା ଦୁନିଆରୁ 

  ପୁରୁଣା ଵରଷ ଆଜି 

  ହେ ନୂଆଵରଷ ସୁଖ ଘେନିଆସ 

  ଉପକାରୀ ମିତ ସାଜି ||

ରାତି ପାହୁ ପାହୁ ହସି ଢାଳିଦେଉ 

  ସୂରୁଜ କଅଁଳ ଖରା 

  କେତେ ଫୁଲ ଫଳ ସବୁଜ ପତର 

  ଗଚ୍ଛେ ହେଇଯାଉ ଭରା ||

ପିଲାଙ୍କ ମନରେ ଭରୁ ନୂଆଆଶା 

  ପୂରିଉଠୁ ହସ ଖୁସୀ 

  ଦୁଃଖରେ ଲୁହରେ ନଶୁଖୁ କାମୁହଁ 

  କିଏ ସେ ନଯାଉ ରୁଷି ||

ଝୁଲି ଝୁଲି ବୁଲି ଖେଳି ନାଚି  ଗାଇ 

  ପିଲାଏ କାଟିବେ ବେଳ 

  ଗୁହାରି କରିବେ ଜଗତସାଇଁଙ୍କୁ 

  ହେଇ ସାଙ୍ଗ ସାଥୀ ମେଳ ||

ପିଲାଏ କରିବେ ନୂଆବରଷରେ 

  ମିଳିମିଶି ବଣଭୋଜି 

  ଖେଳି ଗଛେ ଦୋଳି ଖାଇବେତ କୋଳି 

  କୁନା ମୁନା ଝୁନା ରୋଜି ||

 ସରସ ସୁନ୍ଦର ପିଲାଙ୍କ ଜୀଵନ 

  କୁସୁମ ମହକି ଯାଉ 

  ରାଗ ରୋଷ କଳି ମାନ ଅଭିମାନ 

  ପାଖରେ ନରହୁ ଆଉ ||

ହେ ନୂଆଵରଷ ଆଣିକି ହରଷ 

  ଆମ ଦୁନିଆକୁ ଆସ 

  ହେଉ ସୁନା କ୍ଷେତେ ଚାଷୀ  ହାତଲାଗି 

  ସୁନାର ଫସଲ ଚାଷ ||

∎ 

କୁଞ୍ଜର -ସଙ୍ଗଳାଇ 

  ପିପିଲି -ପୁରୀ 

  ମୋବାଇଲ -୯୬୬୮୮୨୨୧୯୦