ଆଗ ଭଳି ଆଉ   ଆସୁନାହିଁ ଚିଠି
ଧ୍ରୁବ  ଚରଣ ଘିବେଲା
ଏପ୍ରିଲ: ୨୦୨୫
Canonical: https://sishu.kabitawithoutborders.org/shishu/article_details-408befe22a.html

ଚିଠିର ମହକ ଚିଠିର ଚମକ 


                                  ଯେମିତି ନାହିଁଟି ଆଉ 


                                  ଆଗ ଭଳି ଆଉ ଆସୁନାହିଁ ଚିଠି 


                                  ଯେତେ ବି ଆଗ୍ରହ ଥାଉ I


                                  ଶୁଭୁନାହିଁ ଆଉ ପୋଷ୍ଟମ୍ୟାନ ଡାକ 


                                  ସାଇକେଲ ଘଣ୍ଟି ବଜାଇ 


                                  ଚିଠି ଚିଠି ବୋଲି ଘର ଆଗେ ଆସି 


                                  ପୋଷ୍ଟମ୍ୟାନ ଅଟକୁ ନାଇଁ I 


                                  ପ୍ରବାସୀ ପୁଅର ଚିଠି ଅପେକ୍ଷାରେ 


                                  (ଆଗ)ରହୁଥିଲେ  ପରିଜନ 


                                  ମୋବାଇଲ ପାଇଁ କମିଛି ନିଶ୍ଚୟ 


                                  ଚିଠିର ଆଦାନ ପ୍ରଦାନ I 


                                  ସହଜ ହେଉଛି ମୋବାଇଲବାରତା 


                                  ସଙ୍ଗେ ସଙ୍ଗେ ପାଇ ଖୁସି 


                                  ଭଲ ଅବା ମନ୍ଦ ବାରତା ଶିଘିର 


                                  ମୋବାଇଲ ଦିଏ ପରଷି I 


                                  ତଥାପି ଚିଠିର ମହକ ଚମକ 


                                  ରହିଥାଏ କାହା ପାଇଁ 


                                  ହାତଲେଖା ଚିଠି ସ୍ନେହଭରା ପ୍ରୀତି 


                                  ସୁନ୍ଦର ସନ୍ଦେଶ ଥାଇ I


                                  ଆଜିର ଚିଠିଟି ହୋଇଲେ ପୁରୁଣା 


                                  ପାଲଟେ ସାଇତା ସ୍ମୁତି 


                                  ପୁଣି କେବେଯଦି ପଡ଼େସେ ହାତରେ 


                                  ଭିଜାଏ ଅତୀତ ସ୍ମୁତି I 


                                  ସୁନ୍ଦର ଅକ୍ଷରେ ଲେଖା ହାତ ଚିଠି 


                                  ପଢ଼ିବାକୁ ଲାଗେ ଭଲ 


                                  ସୁନ୍ଦର ସନ୍ଦେଶ ତହିଁ ଲେଖା ଥିଲେ 


                                  ସ୍ମରଣୀୟ ଚିରକାଳ I 


                                  ସେଇଥିପାଇଁ ତ ମହତ ଜନଙ୍କ 


                                  ଚିଠି ଚିରକାଳ ସାଇତା 


                                  କାହା କାହା ପାଇଁ ପାଲଟେ ସମ୍ପଦ 


                                  ଉଲ୍ଲେଖ ଥିଲେ ବାରତା I 


                                     ∎  


ବଉଦରାଜ,  ଜି. ବୌଦ୍ଧ 


                                  ମୋ.9437478466