ରେଳଗାଡି ମୋ ନାମ
ଅନନ୍ତ କୁମାର ସେନାପତି
ଅକ୍ଟୋବର: ୨୦୨୫
Canonical: https://sishu.kabitawithoutborders.org/shishu/article_details-3fa8da616e.html

ଛୁକ ଛୁକ ହୋଇ ଶବଦ କରେ

  ରେଳଗାଡି ମୋ ନାମ,

  ନାନା ଯାତିରି କୋଳରେ ଧରି

  ଆଗେ ଧାଇଁବା କାମ       ।



  ଯେଉଁଠି ମୋତେ ଇସାରା ଅଛି

  ଅଟକି ଥାଏ ସେଠି,

  ହେଉ ଗରମ ଅବା ବରଷା

  ଖୋଲେନି କେବେ ପାଟି         ।



  ଶୀତଳ ଘରେ ଯୋଗାଇ ଥାଏ

  ତକିଆ ଆଉ ଗଦି,

  ପାଣି, ବିଜୁଳି, ନ କରେ ଊଣା

  ସିନେହେ ରଖେ ବାନ୍ଧି          ।



  ବିନା ଟିକଟେ ଚଢିଛି ଯିଏ

  ଦେଇଛି ଜୋରିମାନା,

  ଏପରି କାମ କରିବା ପାଇଁ

  ରେଳ ବିଭାଗୁ ମନା            ।



  ଗଢ଼ିଛି ଯିଏ ଯତନ କରି

  ସିଏ ମୋ ବାପା ମାଆ,

  ତାଙ୍କ ଆଦେଶ ମାନି ଚାଲିଲେ

  ଦୁଃଖ ଆସିବ କିଆଁ             ।



  କାହାରି ମନେ ଦେବିନି ଦୁଃଖ

  ସବୁରି ସୁଖ ଚାହେଁ,

  ଅସନା କେବେ କରିବ ନାହିଁ

  ସଫା ରେ ସୁଖ ପାଏ           ।



  ନିୟମ ମାନି ଚଲାଉ ଥିଲେ

  ଦୁଃଖ ଆସିବ ନାହିଁ,

  ରେଳ ଯାତରା ହେବ ସଫଳ

  ସୁଖ ସବୁରି ପାଇଁ             ।

∎ 

ବାଣ୍ଠୁପଡା, ରାଜଗାଙ୍ଗପୁର, ସୁନ୍ଦରଗଡ଼

  ଫୋନ   7008304225