ଭକ୍ତ ଵଳରାମ
ଡକ୍ଟର ସୁନାମଣି  ରାଉତ
ଜୁଲାଇ: ୨୦୨୬
Canonical: https://sishu.kabitawithoutborders.org/shishu/article_details-3e367fe56f.html

ବଳରାମ ଦାସ ନାମେ 

  ଆଗକାଳେ ଥିଲେ ଜଣେ ଭକତ 

  ଭକତି ତାଙ୍କର ଥିଲା 

  ଠାକୁରଙ୍କ ପାଇଁ ଵଡ ଶକତ  । 

  ରଥଯାତ୍ରା ହେଉଥିଲା 

  ଵଡଦାଣ୍ଡେ ସେତେବେଳେ ପୁରୀରେ 

  ହରିବୋଲ, ହୁଳହୁଳି 

  ଚାରିଆଡେ ପଡୁଥିଲା ହୁରିରେ  । 

  ଠାକୁରଙ୍କୁ ଦେଖିଵାକୁ 

  ଵଳରାମ ରଥପରେ ଚଢ଼ିଲେ 

  ଦୁର୍ ଦୁର୍ କହି  ତାଙ୍କୁ 

  ପଣ୍ଡାମାନେ ରଥପରୁ ତଡିଲେ । 

  ମନଦୁଃଖେ ବଳରାମ 

  ଚାଲିଯାଇ ପୁରୀ ବାଙ୍କି ମୁହାଣେ 

  ବାଲିରେ ତିନୋଟି ରଥ 

  ଗଢିଲେ ସେ ନିଜ ହାତ-ନିହାଣେ। 

  ଭକତିରେ ଠାକୁରଙ୍କୁ 

  ଡାକିଲେ ସେ ଆସ ପ୍ରଭୁ ଚଞ୍ଚଳ 

  ଠାକୁର ଆସିଲେ ସେଠି 

  ଵଡ଼ଦାଣ୍ଡେ ରଥ ହେଲା ଅଚଳ। 

  ରାଜାଙ୍କୁ ତ ସ୍ଵପ୍ନ  ହେଲା 

  ଭକ୍ତକୁ ମୋ କ୍ଷମା ମାଗି ଆଣହେ 

  ନହେଲେ ତ ଗଡ଼ିଵନି 

  ଵଡ଼ଦାଣ୍ଡେ ରଥ ମୋର ଜାଣହେ । 

  ରାଜା ମନ୍ତ୍ରୀ  ପଣ୍ଡାମାନେ 

  ଵଳରାମ ଦାସଙ୍କୁ ତ ଆଣିଲେ 

  ଗଡିଲା ରଥ ଏଥର 

  ଭକତର ଭକତିକୁ ଜାଣିଲେ। 

∎ 

 ରାଜାଵଗିଚା, କଟକ-୯ 

  ମୋ -୯୪୩୭୧୯୨୮୯୦