ଟିକି ଚଢ଼େଇ
ପଣ୍ଡିତ ମଧୁସୂଦନ  ମିଶ୍ର
ଡିସେମ୍ବର: ୨୦୨୫
Canonical: https://sishu.kabitawithoutborders.org/shishu/article_details-3a513583fc.html

ଟିକି ଟିକି ଟିକି  ଟିକି ଟିକି ଚଢ଼େଇ 

  ଟିକି ଚଢ଼େଇ । 

  ନୀଳ ଆକାଶରେ ଉଡ଼େ  ଡେଣା ବାଡ଼େଇ 

  ଟିକି ଚଢ଼େଇ  ।। 

  ଭୋକ ହେଲେ ଖାଏ ଫଳ  ଥଣ୍ଟ ବଢେଇ 

  ଟିକି ଚଢ଼େଇ । 

  ଶୋଷହେଲେ ପିଏ ପାଣି  ଡେଣା ବୁଡ଼େଇ 

  ଟିକି ଚଢ଼େଇ  ।। 

  ଆମ କୁନା ଚାହିଁଅଛି  ହାତ ବଢ଼େଇ 

  ଟିକି ଚଢ଼େଇ । 

  ଭାତମୁଠେ ଦେଇଅଛି ତଳେ  କୁଢ଼େଇ 

  ଟିକି ଚଢ଼େଇ ।। 

  ଧରିବନି ତତେ କୁନା  ଦେବ ଉଡେଇ 

  ଟିକି ଚଢ଼େଇ  । 

  ଦୁଃଖ ତତେ ଦେବନାହିଁ  ଖୁସି ଛଡେଇ 

  ଟିକି ଚଢ଼େଇ  ।। 

  ଶୀତହେଲେ କୁନା ଦେବ  ତୁଳା ଗୁଡେ଼ଇ 

  ଟିକି ଚଢ଼େଇ । 

  ଖରାହେଲେ ଛତାଟିଏ ଦେବ  ବଢେଇ 

  ଟିକି ଚଢ଼େଇ ।। 

  ମେଘହେଲେ  ଦେବତୋତେଝରିଘୋଡେ଼ଇ 

  ଟିକି ଚଢ଼େଇ । 

  ତୋସାଥେ ଖେଳିବ କୁନା  ଧୂଳି ଉଡେଇ 

  ଟିକି ଚଢ଼େଇ  ।। 

  ଟିକି ଟିକି ଟିକି  ଟିକି ଟିକି ଚଢ଼େଇ 

  ଟିକି ଚଢ଼େଇ  ।। 

∎ 

  କେନ୍ଦୁଝର 



  ୯୪୩୮୧୯୨୮୧୦