ଆମ  ଜାତୀୟ ପତାକା
ମିନତି ପଟ୍ଟନାୟକ
ମଇ: ୨୦୨୫
Canonical: https://sishu.kabitawithoutborders.org/shishu/article_details-394d7610f1.html

ଜାତିର  ଟେକ    ଜାତି ପତାକା 

                                   ତା ପାଦେ ନମସ୍କାର 

                                   ସେହି  ପତାକା    ସ୍ୱାଧୀନ ହୋଇ 

                                   ଉଡଇ  ଫରଫର। 

                                   ଉପରେ  ଥାଇ   ନାରଙ୍ଗୀ ରଙ୍ଗ 

                                   ଦିଏ ସାହସ  ବାର୍ତ୍ତା 

                                   ମଝିରେ  ଶ୍ୱେତ  ସାମ୍ୟଵାଦ 

                                   କୁହେ ଶାନ୍ତି ର କଥା। 

                                   ସବୁଜ  ରଙ୍ଗ    ତଳେ ଥାଇକି 

                                   କହୁଛି ଭାଇ ଶୁଣ 

                                   ମୋ  ଠାରୁ    ଶିଖ ନମ୍ର ଆଉ 

                                   ସମୃଦ୍ଧିର ଗୁଣ  । 

                                   ମଝିରେ  ଥାଇ    ଅଶୋକ ଚକ୍ର 

                                   ଧରି  ଚବିଶି ଅର 

                                   କହୁଛି  କାନେ     ହେ ସୁଧୀ ଜନେ 

                                   ବୁଝ ସମୟ ସ୍ୱର   । 

                                   ଚବିଶି  ଘଣ୍ଟା  ଗୋଟିଏ ଦିନ 

                                   ସୁବିନିଯୋଗ  କଲେ 

                                   ହାରି  ଯିବନି ଚଲା ପଥରେ 

                                   ସମୟ ଜ୍ଞାନ ଥିଲେ। 

                                   ତ୍ରିରଙ୍ଗା  ଉଡି    ବିଶ୍ୱ ବାସୀଙ୍କୁ   

                                   କହୁଛି ହସିହସି 

                                   ଶାନ୍ତି  ଅହିଂସା   ପୂଜାରୀ ଆମେ 

                                   ଆମେ  ଭାରତ ବାସୀ। 

                               ∎  

                                   ନୀଳଚକ୍ର  ନଗର, ଅଠର  ନଳା, ପୁରୀ  ୨ ,  ୯୩୩୭୬୯୬୨୨୭