ନାମଟି ମୋର ରକେଟ
ଜ୍ୟୋତିର୍ମୟୀ ମହାନ୍ତି
ମଇ: ୨୦୨୪
Canonical: https://sishu.kabitawithoutborders.org/shishu/article_details-38989975fa.html

ଚାଳକ  ମୋ ପାଇଁ ନ ହୁଏ ଲୋଡ଼ା 


                                  ବିଜ୍ଞାନ  ବଳରେ ମୋ ଦେହ ଗଢ଼ା 


                                  ମୋ  ଦେହରେ ଭରି ଦେଲେ ଇନ୍ଧନ 


                                  ମହା  ଶୂନ୍ୟରେ ମୁଁ କରେ ଗମନ 


                                  ଦୂର  ଆକାଶ ର ଅନ୍ଧାର କୋଳେ 


                                  ସବୁ  ବାଧା ଠେଲି ନିର୍ଭୟେ ବୁଲେ 


                                  ଶୂନ୍ୟ  ରାଇଜେ ଯାଏ ମୁଁ ଉଡି 


                                  ନୂଆ  ନୂଆ ତଥ୍ୟ ଆଣେ ମୁଁ କାଢି 


                                  ଗ୍ୟାସ  ଇନ୍ଧନ ରେ ଚଳେ ମୋ ଦେହ 


                                  ପାରିବ  ଯଦି ତ ମୋ ନାମ କୁହ 


                                  କୁନା  କୁନି ଆସ ମୋ ଦେହେ ବସି 


                                  ଜହ୍ନ  ରାଇଜକୁ ଯିବରେ ହସି 


                                  ସେଠି  ଗଢି ଦେବ ସୁନାର ଦେଶ 


                                  ଦୁନିଆ  କୁ ଦେବ ନୂଆ ସନ୍ଦେଶ