ଧାଡି ଭାଙ୍ଗନି  ପିମ୍ପୁଡ଼ି ପରି
ସୁଜିତ କୁମାର ମିଶ୍ର
ନଭେମ୍ବର: ୨୦୨୫
Canonical: https://sishu.kabitawithoutborders.org/shishu/article_details-36f8e845e8.html

ସକାଳୁ ଉଠି କୁନା  ଦେଖିଲା   ଘରେ ପିମ୍ପୁଡି ଧାଡି, 

  ଭୟରେ ଯାଇ ଲୁଚିଲା  ସିଏ 

  ସବୁ କାମକୁ ଛାଡି  । 

ଖୋଜିଖୋଜିକା  ବହୁତ ତାକୁ 

  ଜେଜୀ ମା କଲେ ଠାବ, 

  ବୁଝାଇ ଦେଲେ  ପିମ୍ପୁଡି ନୁହେଁ 

  କେବେ କାମୁଡା ଜୀବ  । 

ଧାଡିରେ ଥାନ୍ତି  ପିମ୍ପୁଡି ଦଳ 

  ଯୁଦ୍ଧେ ସଇନ ପରି, 

  ଯେତେ ଭାଙ୍ଗିଲେ ପୁଣି  ସେମାନେ 

  ହୋଇଯାଆନ୍ତି ଯୋଡି। 

କର୍ମ ଚଞ୍ଚଳ ଥାଆନ୍ତି  ପରା 

  ସେମାନେ ପ୍ରତିକ୍ଷଣ, 

  ଖାଦ୍ୟ ସଂଗ୍ରହ  କରୁଥାଆନ୍ତି 

  ବିପଦ ଆଗୁ ଜାଣ  । 

ପିମ୍ପୁଡି ସିନା  ଜୀବଟେ ଛୋଟ 

  ମହତ ତାର ବହୁ, 

  ମନ ପ୍ରାଣରେ ଭରି ଦିଏ  ସେ 

  ପ୍ରେରଣା ମିଠାମହୁ । 

 

  ଧାଡି ଭାଙ୍ଗନି  ପିମ୍ପୁଡ଼ି ପରି 

  ମାଡି ଚାଲୁଥ ପିଲେ,

  ହୋଇବ ସୁଖୀ  ତାପରି ତୁମେ 

  କରମ କରୁଥିଲେ । 

∎ 

  ଜନାର୍ଦ୍ଦନପୁର ଶାସନ 

  କେନ୍ଦୁଝର 



  ୭୬୮୩୮୬୭୭୪୨