ନୂଆ ଵରଷ
ଡକ୍ଟର ସୁନାମଣି ରାଉତ
ଜାନୁଆରୀ: 2026
Canonical: https://sishu.kabitawithoutborders.org/shishu/article_details-336d9072ce.html

ନୂଆ ଵରଷ ଆସିଛି ହେଇ 

  ପୂରୁଣା ଗଲା ମେଲାଣି ନେଇ 

  ଲୁଚିଵ ତା`ର ନାଁ 

  ନୂଆ ଵରଷେ ହସି ଉଠିବ 

  ତୋଟା ପଡିଆ ଗାଁ। 

ଆସରେ ସାଥି ଖୁସିରେ ମାତି 

  ଭୁଲି ଆମର ଧରମ ଜାତି 

  ହୋଇବା ସବୁ ଏକ 

  ଵଇରି ସାଥେ ଲଢେଇ କରି 

  ରଖିଵା ଦେଶ ଟେକ । 

ମନ ଲଗାଇ ପଢ଼ିବା ପାଠ 

  ହୋଇବା ଆମେ ବଢିଆ ଚାଟ 

  ଭଲ ମଣିଷ ହେବା 

  ଭୋକିଲା ମୁହେଁ ଆହାର ମୁଠେ 

  ଶୋଷୀକୁ ପାଣି ଦେଵା। 

ଆଜି ତ ଆମେ ଛୋଟିଆ କଢ 

  କାଲିକି ଫୁଟି ହୋଇଵୁ ବଡ଼ 

  ଵିତରି ଦେଵା ବାସ 

  ନୂଆ ଵରଷେ ମନ ହରଷେ 

  ଶପଥ ନେଵା ଆସ। 

∎ 

  ରାଜାଵଗିଚା,କଟକ-୯

  ମୋ-୯୪୩୭୧୯୨୮୯୦