ଆସିଛି ଆଜି ନୂଆ ବରଷ
ନୀଳମଣି ଚାନ୍ଦ
ଜାନୁୟାରୀ: ୨୦୨୫
Canonical: https://sishu.kabitawithoutborders.org/shishu/article_details-3109541aaa.html

ଇଟିକିଲି ମିଟିକିଲି ଫୁଟିଗଲା କାଇଁଚ


                                  ଏତେ ସକାଳରୁ ଉଠି ତୁମେ କିଆଁ ଧାଇଁଚ


                                  ଚିକିମିକି ଚିକିମିକି ପଡ଼ିଲାଣି ଖରାରେ


                                  ଜାତିଜାତି କୁସୁମରେ ଭରିଲାଣି ଧରାରେ।





                                  ଶୁଭିଲା ତୋଟାମୂଲକୁ ପକ୍ଷୀଙ୍କର କାକଳି


                                  ଲୋଟିପଡେ ଫୁଲ ଏବେ ନାଆଁ ଯାର ଶେଫାଳି


                                  ଅଭିନନ୍ଦନପତ୍ରଟି ହାତେ ତୁମ ରହିଛି


                                  ଶୁଭେଚ୍ଛା ଜଣେଇ ଦେଇ କିଏ ମଜାପାଉଛି।





                                  ଵଣଭୋଜି ମଜା ନେଵ ଏକାଠି ତ ହେଲଣି


                                  ନୂଆ କ୍ୟାଲେଣ୍ଡର ଆଣି ଘରେ ଟାଙ୍ଗି ଦେଲଣି


                                  ଭ୍ରମଣ ପାଇଁଟି ନୂଆ ଜାଗା କିଏ ଯାଏରେ


                                  ସ୍ୱାଗତମ୍ ନୂଆବର୍ଷ ଗୀତ କିଏ ଗାଏରେ।





                                  ନୂଆବର୍ଷ ଗ୍ରେଗୋରିଆନ କ୍ୟାଲେଣ୍ଡର ମତରେ


                                  କେତେ ଦେଶ ପାଳିଥାନ୍ତି ଏ କଥାଟି ସତରେ


                                  ଡିସେମ୍ବର ଗଲା ଚାଲି ଜାନୁୟାରୀ ଆସଇ


                                  ନୂଆବର୍ଷ ଛବି କେତେ ଆଖି ଆଗେ ଭାସଇ ।





                                  ଆସ ମିଶି ଆଜିଠାରୁ ଭଲ କାମ କରିବା


                                  ନିଜେ ହସି ସଭିଙ୍କର ମୁଖେ ହସ ଭରିବା


                                  ହେଉ ବାପୁ `ରାମରାଜ୍ୟ` ଅବା `ସ୍ୱଚ୍ଛ ଭାରତ`


                                  ଆଜିଠାରୁ  ପଡ଼ିଯାଉ ଭିତ୍ତିଭୂମି ତାର ତ।





                                             ∎  


  ୨୭, ମନ୍ତ୍ରମାନୋର,ଗୋଠପାଟଣା ; ଭୁବନେଶ୍ୱର  


 ମୋ   ୯୫୮୩୨୦୨୩୫୭